ورتالىق سايلاۋ كوميسسياسى الداعى ءماجىلىس سايلاۋىنا قاتىساتىن ساياسي پارتيالار اراسىندا وتەتىن سايلاۋالدى تەلەدەباتتار تۋرالى ايتتى.
"سايلاۋ الدىنداعى جارىسسوزدەردى وتكىزۋ ءتارتىبى مەن شارتتارى بەكىتىلدى. ورتالىق سايلاۋ كوميسسياسى پارلامەنت ءماجىلىسى دەپۋتاتتىعىنا كانديداتتاردىڭ پارتيالىق ءتىزىمىن ۇسىنعان ساياسي پارتيالاردىڭ پىكىرسايىسىن وتكىزۋ تۋرالى ءتيىستى شەشىم قابىلدادى. پىكىرسايىس ۇيىمداستىرۋ ماقساتىندا اقپارات جانە الەۋمەتتىك دامۋ مينيسترلىگىمەن ءتيىستى تەلەارنانى انىقتاۋ بويىنشا كونسۋلتاسيا جۇرگىزىلدى"، ورتالىق سايلاۋ كوميسسياسىنىڭ مۇشەسى اناستاسيا ششەگورسوۆا
ونىڭ ايتۋىنشا، تەلەارنانىڭ تەحنيكالىق مۇمكىندىكتەرى مەن اۋديتوريان كولەمىنە نازار اۋدارىلعان.
"مينيسترلىك "حابار" مەملەكەتتىك جالپىۇلتتىق تەلەارناسىنىڭ ەفيرىندە سايلاۋالدى تەلەدەباتتاردى وتكىزۋدى ۇسىندى. تەلەارنا بۇكىل ەل بويىنشا تەلەحابارلاردىڭ كەڭ اۋقىمىندا حابار تاراتادى. سايلاۋ الدىنداعى تەلەدەباتتاردىڭ كۇنىن 2023 جىلدىڭ 16 ناۋرىزىنا بەلگىلەۋ ۇسىنىلدى"، - دەدى ول.
ءماجىلىس پەن بارلىق دەڭگەيدەگى ءماسليحاتتار دەپۋتاتتارىنىڭ كەزەكتەن تىس سايلاۋى بيىلعى 19 ناۋرىزدا وتەدى.
پىكىر قالدىرۋ