بۇگىن "ينتەگراتيۆتى مەديسينا – ونكولوگيانى ەمدەۋگە بولادى" تاقىرىبىندا باسپا ءسوز كونفەرەنسياسى ءوتتى. ينتەگراتيۆتى مەديسينا كلينيكالارى جەلىسىنىڭ نەگىزىن قالاعان دارىگەر دميتريي رايەۆسكييدىڭ ايتۋىنشا، جارتى جىل ىشىندە كلينيكادا ەم العان قاتەرلى ىسىككە شالدىققان 300-گە جۋىق ادام اۋرۋدان ايىققان، دەپ جازادى  informburo.kz.

ينتەگراتيۆتى مەديسينا كلينيكالارىندا ونكوپسيحولوگيا ادىستەرى مەن قاتەرلى ىسىكپەن كۇرەسۋ ءۇشىن تابيعي يممۋنوستيمۋلياتورلار قولدانىلادى. ونىڭ ارقاسىندا ماماندار لەيكەميا، ءسۇت بەزى قاتەرلى ىسىگى، مي ىسىكتەرى سەكىلدى اۋىر دياگنوزدار قويىلعان ناۋقاستاردى ەمدەۋدە ءساتتى ناتيجەلەرگە جەتكەن. دارىگەردىڭ ايتۋىنشا، بۇل ءتاسىل قاتەرلى ىسىككە قارسى ەمدەۋدىڭ رەسمي حاتتامالارىنا قايشى كەلمەيدى.

"كوپتەگەن اۋرۋلاردى سانامەن جۇمىس ىستەۋ ارقىلى ەمدەۋگە بولادى. ادام اۋرۋىنىڭ سەبەپتەرى تۋرالى بارلىق جاۋاپ ونىڭ ءتۇپساناسىندا جاتىر. قانشاما جىل جۇرگىزگەن تاجىريبە سانامەن جۇمىس ىستەۋ ارقىلى ونكولوگيانى ەمدەۋگە بولاتىنىنا دالەل. حيميالىق تەراپيا كومەكتەسە الماعان ادامدار بىزگە كەلىپ ساۋىعىپ جاتىر. ادامدار ونكولوگيانى "جازىلمايتىن قورقىنىشتى اۋرۋ" دەپ ويلاماسا ەكەن دەيمىن. ويتكەنى، يممۋنيتەتتى اۋرۋعا قارسى تۇرۋعا ۇيرەتۋگە بولادى. تۇپسانامەن جۇمىس ىستەۋدى مەن ويلاپ تاپقان جوقپىن، بۇل الەمدە بار پراكتيكا. ادامنىڭ تۇپساناسىمەن جۇمىس ىستەپ، يممۋنوستيمۋلياتورلار تاڭداپ، ادامدى ەمدەپ شىعامىز.  وكىنىشكە قاراي، قاتەرلى ىسىكپەن اۋىراتىندار كوبەيىپ جاتىر"، – دەدى دميتريي رايەۆسكيي.

ول ءوزى قولداناتىن دارى-دارمەكتەر تابيعي، ەشقانداي جاناما اسەرلەرى جوق جانە اعزانى نىعايتىپ، يممۋنيتەتتى كۇشەيتۋگە، ادامنىڭ تەز جازىلۋىنا كومەكتەسەتىنىن ايتتى.

"ءار ادامدا كۇن سايىن قاتەرلى ىسىك جاسۋشالارى پايدا بولادى. ادامنىڭ يممۋنيتەتى ولاردىڭ كوزىن جويىپ وتىرادى. ءبىر كۇنى يممۋنيتەتتە اقاۋ بولىپ، جاسۋشالارمەن كۇرەسە الماي قالادى. ىسىك تەز ءبولىنىپ، تىندەرگە ەنىپ، دەنەگە تارايدى. ىسىك ادامنىڭ ورگانيزمىمەن قورەكتەنەدى. يممۋنيتەت ولاردى بايقاي المايدى. ءبىر اي وتكەن سوڭ يممۋنيتەت ويانىپ، ولاردى بايقاپ، كوزىن جويۋعا تىرىسادى. ال قاتەرلى ىسىك مۋتاسيالانىپ، يممۋنيتەت ولاردى قايتادان كورمەي قالادى. قاتەرلى ىسىك نەيرو ۋىتتار شىعارىپ، اۋرۋدى سەزىنۋگە ءماجبۇر ەتەدى. ال ءبىز يممۋنيتەتتىڭ قاتەرلى ىسىكتى بايقاۋى ءۇشىن ءبارىن جاسايمىز. ول ءۇشىن الدىمەن ادامنىڭ پسيحولوگياسىمەن جۇمىس ىستەيمىز. يممۋنوستيمۋلياتورلار يممۋنيتەتتىڭ جۇمىس ىستەپ، قاتەرلى ىسىكپەن كۇرەسۋىنە كومەكتەسەدى. بۇل تاجىريبە كوپتەگەن ەلدە قولدانىلادى. ناتيجەسى وتە جاقسى"، – دەدى ينتەگراتيۆتى مەديسينا كلينيكالار جەلىسىنىڭ نەگىزىن قالاۋشى. 

ءتورت جاسار مىرزا ساتقانعا ورتاشا كلينيكالىق دەكومپەنساسيا ساتىسىندا مي باعانىنىڭ قىسىلۋىمەن ارتقى باس سۇيەك شۇڭقىرىنىڭ ىسىگى دەگەن دياگنوز قويىلعان. ينتەگراتيۆتى مەديسينا كلينيكاسىندا ەكى اي ەمدەلىپ، اياققا تۇرعان.

"بىلتىر شىلدە ايىندا بالامنىڭ باسىندا ىسىك پايدا بولدى. استاناعا بارىپ وپەراسيا جاساعاندا ىسىكتىڭ 90 پايىزىن الىپ تاستادى. ءبىراق 10 پايىزى قالىپ قويدى. بالام التى ساعاتتىق وپەراسيانى ازەر كوتەردى. بالام حيمياتەراپيانى كوتەرە المايتىن بولعان سوڭ ودان باس تارتتىم. استانادا دارىگەردەن كونسۋلتاسيا الدىم. بالامدى اۋرۋحانادان شىعاردىق. وپەراسيادان كەيىن ەكى اي وتىرا المادى، اۋىزىن جابا المادى. وسى كلينيكادا بەس كۇن ەم الدىق. ءبىر ايدا اياققا تۇرىپ، ەكى ايدا جازىلىپ كەتتىك"، – دەدى بالانىڭ اكەسى. 

دارىگەر دميتريي رايەۆسكيي ءادىسى باۋىر سيرروزى، ەكزەما، پسورياز، قالقانشا بەزىنىڭ اۋرۋلارى، سكلەروز سەكىلدى اۋتويممۋندى اۋرۋلارى بار ادامدارعا دا كومەكتەسەدى. ەندى ول قازاقستاندا كلينيكالار جەلىسىن كەڭەيتۋدى جوسپارلاپ وتىر.

"بۇل – امەريكانىڭ ەكسپەريمەنتالدى جۇيەسى. باسقا ەلگە بارماي، قازاقستاندا دا ارزان باعامەن ەمدەلۋگە بولادى. كوپ ادام قابىلداۋ ءۇشىن ەمحانامىزدى كەڭەيتكىمىز كەلەدى. ءقازىر ايىنا جيىرما ادام عانا قابىلداي الامىز. ءبىز ونكولوگيامەن عانا ەمەس، اۋتويممۋندى جانە پسيحولوگيالىق اۋرۋلاردى ەمدەيمىز"، – دەدى دميتريي رايەۆسكيي.