Human Rights Watch (HRW) حالىقارالىق قۇقىق قورعاۋ ۇيىمى قازاقستان بيلىگىن تۇرمىستىق زورلىق-زومبىلىققا بايلانىستى زاڭدى قايتا قاراپ، زاڭ جوبالارىن كۇشەيتۋگە شاقىردى، دەپ جازادى HRW News.
حالىقارالىق ۇيىم تۇرمىستىق زورلىق-زومبىلىقتى جەكە قىلمىس رەتىندە قاراستىرىپ، ايەلدەردى تولىق قورعاۋدى سۇرادى.
"تۇرمىستىق زورلىق-زومبىلىق – قازاقستانداڭعى ەڭ وزەكتى ماسەلەلەردىڭ ءبىرى. قازىرگى قولدانىستاعى قازاقستان زاڭدارى زورلىق-زومبىلىقپەن كۇرەستە وڭ ناتيجە كورسەتىپ جاتقان جوق. قازاقستان بيلىگى قابىلدايتىن زاڭدار حالىقارالىق ستاندارتتارعا ساي بولۋى ماڭىزدى. بيلىك زاڭدى اشىق تالقىعا شىعارىپ، ادام قۇقىعى مەن ايەل قۇقىعىن قورعاپ جۇرگەن ەكسپەرتتەردىڭ پىكىرىن ەسكەرۋى كەرەك"، - دەلىنگەن حابارلامادا.
ەسكە سالا كەتەيىك، بۇۇ دەرەكتەرى بويىنشا قازاقستاندا تۇرمىستىق زورلىق-زومبىلىقتان جىلىنا 400 گە جۋىق ايەل قايتىس بولادى.
پىكىر قالدىرۋ