19 ناۋرىزعا تاعايىندالعان سايلاۋعا ساناۋلى كۇندەر قالدى. ۇگىت-ناسيحات جۇمىستارى قارقىندى جالعاسۋدا. بۇگىن AMANAT پارتياسىنىڭ وبلىستىق سايلاۋالدى شتابىنىڭ ءبىر توپ مۇشەلەرى «اتىراۋ وبلىسى سۋ ارناسى» كمك ۇجىمىمەن كەزدەستى.

اتىراۋ وبلىسى – دونور ايماق. وسى رەتتە رەسپۋبليكالىق الىپ قويۋلاردىڭ كوپ ەكەنى، سول قاراجات كولەمىن ازايتىپ، وبلىستىڭ ءوز قاجەتتىلىگىنە جاراتۋ تۋرالى ماسەلە از ايتىلىپ جۇرگەن جوق. اتالعان باسقوسۋ بارىسىندا بۇل تاقىرىپ تا تالقىعا ءتۇستى.

ەلىمىزدەگى جاڭارۋ مەن جاڭعىرۋدىڭ ۇيىتقىسى سانالاتىن AMANAT پارتياسى حالىقتىڭ سۇرانىستارىنا نەگىزدەلگەن «حالىقپەن بىرگە!» سايلاۋالدى باعدارلاماسىن جاساقتادى. ستراتەگيالىق ماڭىزى زور باعدارلامادا كوپتەگەن ماسەلەلەر، وزەكتى پروبلەمالار تولىعىمەن كورىنىس تاپقان. ىسكە اساتىن شارالار قوعامنىڭ كەز-كەلگەن وكىلدەرىنە لايىقتى. وسى ماسەلەلەردى اتاپ وتكەن شتاب مۇشەلەرى، كانديداتتار AMANAT پارتياسىنىڭ نەگىزگى ۇستانىمدارىن تانىستىرىپ، پىكىر الماستى.  

اتالعاندارعا قوسا، تاريف باعاسى، ينفلياسياعا بايلانىستى جالاقىنىڭ جوعارىلاۋى قاجەتتىلىگى تۋرالى ماسەلەلەر دە كوتەرىلدى. شتاب مۇشەلەرى ايتىلعان ءار ۇسىنىس، جولدانعان ساۋالداردىڭ نازاردان تىس قالمايتىنىن جەتكىزدى.

تاپسىرىس بەرۋشى: AMANAT پارتياسىنىڭ اتىراۋ وبلىستىق فيليالى

AMANAT پارتياسىنىڭ اتىراۋ وبلىسىنىڭ سايلاۋ قورى قاراجاتىنان تولەندى