19 ناۋرىزعا بەكىتىلگەن ءماجىلىس جانە ءماسليحاتتار سايلاۋىنا «AMANAT» پارتياسىنىڭ يندەر اۋدانى №10 ءبىرمانداتتىق اۋماقتىق سايلاۋ وكرۋگى بويىنشا اتىراۋ وبلىستىق ءماسليحاتى دەپۋتاتتىعىنا كانديدات سالامات يدريسوۆ سايلاۋالدى ۇگىت-ناسيحات جۇمىستارىن جۇرگىزۋدە.

يندەربور كەنتىنىڭ ورتالىعىندا اۋداننىڭ بەلگىلى تۇلعالارى، قوعام بەلسەندىلەرى، جاستار جانە سەنىمدى وكىلدەرىنىڭ جينالۋىمەن كانديداتتىڭ شاعىن شتابى قۇرىلىپ، بارلىق زاڭدىلىقتاردى ساقتاي وتىرا سايلاۋالدى باعدارلاماسىن حالىققا ناسيحاتتاۋ جۇمىسى تالقىلاندى.

كۇن تارتىبىنە سايكەس كانديدات سالامات نۇرمۇحان ۇلى سايلاۋالدى ناسيحات جۇمىستارىن اتقارۋ ماقساتىندا يندەر اۋدانىنىڭ تۇرعىندارىمەن كەزدەسۋ وتكىزىپ، جۇرتشىلىقتىڭ ۇسىنىس-پىكىرلەرىن تىڭدادى. سونداي-اق، ەلدى مەكەننىڭ ءسان-سالتانات قۇرىپ كوركەيۋىنە، دەموگرافياسى مەن مادەنيەتىنىڭ دامۋىنا نەگىز بولاتىن بىردەن-بىر دەنساۋلىق، ءبىلىم جانە مادەنيەت ەكەنىن ەسكەرە وتىرا، اۋدان اۋرۋحاناسىنىڭ، م.اۋەزوۆ اتىنداعى ورتا مەكتەپتىڭ، مادەنيەت ءۇيى مەن كىتاپحانانىڭ قىزمەتكەرلەرىمەن كەزدەستى.

ۇگىت-ناسيحات جۇمىستارىنىڭ ءتورتىنشى كۇنى AMANAT» پارتياسىنىڭ يندەر اۋدانى بويىنشا اتىراۋ وبلىستىق ءماسليحاتى دەپۋتاتتىعىنا كانديدات سالامات يدريسوۆ ەلتاي، ىنتىماق جانە ەسبول اۋىلىنىڭ تۇرعىندارىمەن كەزدەسۋىن جالعاستىردى. كەزدەسۋ بارىسىندا جۇرتشىلىققا اۋىلدىڭ ءال-اۋقاتىن كوتەرۋ ماقساتىندا جۇزەگە اسىرىلاتىن سايلاۋالدى باعدارلامامەن تانىستىرىپ، كوپتىڭ كوكەيىندە جۇرگەن بىرنەشە ساۋالدارعا جاۋاپ بەرىپ، اۋىلدىقتاردىڭ تالاپ-تىلەكتەرىن سارالادى.

تاپسىرىس بەرۋشى: AMANAT پارتياسىنىڭ اتىراۋ وبلىستىق فيليالى

AMANAT پارتياسىنىڭ اتىراۋ وبلىسىنىڭ سايلاۋ قورى قاراجاتىنان تولەندى