ماڭعىستاۋدا كاپيي ارقىلى قازاقستانعا ەسىرتكى تاسىمالداعان ءۇش شەتەلدىك جانە ءبىر قازاقستاندىق سوتتالدى، دەپ حابارلايدى Qamshy.kz.

ۇقكء-نىڭ اقپاراتىنشا، ولار 2022 جىلى تامىزدا قازاقستانعا كاسپيي تەڭىزىنىڭ اكۆاتورياسى ارقىلى 10 كەلى اپيىن مەن 8 كەلى گاشيش اكەلمەك بولعان ارەكەتتەرى ۇستىندە ۇستالدى.

«شەتەلدىڭ ازاماتتارى مەملەكەتتىك شەكارانى كىشى كولەمدى قايىقپەن زاڭسىز كەسىپ وتكەن. قىلمىسكەرلەر قولدانعان قايىق جەڭىل ءارى جىلدام قوزعالاتىندىقتان ونى راديولوكاسيالىق قۇرالدارمەن انىقتاۋ قيىندىق تۋدىرعان. ەسىرتكى كوزگە ءتۇسۋ ءقاۋىپ تومەن، ياعني ءتۇن مەزگىلىندە تاسىمالدانعان. قىلمىسكەرلەر ناۆيگاسيا ءۇشىن GPS جانە سپۋتنيكتىق بايلانىس قۇرالدارىن پايدالانعان»، – دەلىنگەن ۇقك تاراتقان حابارلامادا.

2023 جىلعى اقپاندا ماڭعىستاۋ وبلىسىنىڭ قىلمىستىق ىستەر بويىنشا مامانداندىرىلعان سوتى ەسىرتكى قىلمىسىنا قاتىسۋشىلاردى ق ر قك 286-بابى 4-تارماعىنا سايكەس كىنالى دەپ تاۋىپ، ۇزاق مەرزىمگە بوستاندىقتارىنان ايىرۋ تۋرالى شەشىم شىعاردى.

«ەسىرتكى بيزنەسىنە قارسى كۇرەس جۇمىسى جالعاسۋدا»، – دەپ قوستى ۇقك.