2023 جىلدىڭ 2 ناۋرىزىندا الماتى قالاسىنداعى رەسپۋبليكالىق دوستىق ۇيىندە العىس ايتۋ كۇنىنە ارنالعان كونفەرەنسيا ءوتتى. ءىس-شارانىڭ ۇيىمداستىرۋشىسى "احىسكا" تۇرىك ەتنومادەني بىرلەستىگى بولىپ تابىلادى.

اتالعان ءىس-شارانىڭ مودەراتورى "احىسكا" تۇرىك ەتنومادەني بىرلەستىگى ءتوراعاسىنىڭ ورىنباسارى-اسييەۆ شاحيسمايل احمەدوۆيچ بولدى. كونفەرەنسيا قاتىسۋشىلارىنا "احىسكا" تۇرىك ەتنومادەني بىرلەستىگىنىڭ ءتوراعاسى زياتدين يسميحان ۇلى قاسانوۆ قۇتتىقتاۋ ءسوز سويلەپ، قازاق حالقىنىڭ قوناقجايلىلىعى تۋرالى جىلى لەبىزىن ءبىلدىرىپ، ەجەلگى زاماننان بەرى قوناقجايلىلىق قازاق حالقىنىڭ ايرىقشا بەلگىسى بولعانىن اتاپ ءوتتى. سونداي-اق، ول وتىرىستىڭ بارلىق قاتىسۋشىلارىنا تۇرىك حالقىنىڭ تاعدىردىڭ قالاۋىمەن قازاقستاندا بولعاندىعىن ەسكە سالدى.

كونفەرەنسيا جۇمىسىنا سونداي-اق رەسپۋبليكالىق جانە قالالىق ەكۇ، قحا عەگ، قحا انالار كەڭەسى، قحا اقساقالدار كەڭەسى باسشىلارى مەن مۇشەلەرى، بەلگىلى پروفەسسورلار، دارىگەرلەر مەن ساياساتتانۋشىلار قاتىستى. ءىس-شارا سوڭىندا ز.ي.كاسانوۆ تۇرىك "احىسكا" ەكو بەلسەندىلەرىنە العىس حاتتار مەن ەستەلىك كادەسىيلار تابىس ەتتى.

كەلەسى كەزەكتە ەتنوسارالىق قاتىناستار ءبولىمىنىڭ باسشىسى – الماتى قالاسى سانك ۋور بالگيمبايەۆ نازارالبان ۇلى ءسوز سويلەپ، ەكى باۋىرلاس حالىق اراسىنداعى دوستىق تاقىرىبىن جالعاستىردى. بۇل دوستىق اسىرەسە تۇركيا رەسپۋبليكاسى ءۇشىن ەڭ قيىن ۋاقىتتا كورىندى، وندا ەڭ اۋىر جەر سىلكىنىسى كەزىندە جۇزدەگەن مىڭ تۇرعىندار وتە اۋىر جاعدايعا تاپ بولدى. قالانىڭ ەتنومادەني بىرلەستىكتەرىنىڭ بىرلەسكەن كۇش-جىگەرىمەن 155 ملن.استام سوماعا گۋمانيتارلىق جانە ماتەريالدىق كومەك كورسەتىلدى جانە الىمدار ءالى دە جالعاسۋدا. بۇدان كەيىن تۇرىك ەكو بەلسەندىلەرىنە قازاقستان حالقىنىڭ بىرلىگىن، قوعامدىق كەلىسىم مەن قازاقستاندىق ءپاتريوتيزمدى نىعايتۋعا قوسقان ۇلەسى ءۇشىن العىس حاتتار تابىستالدى.

بۇگىندە بۇل ەكى حالىق ءبىر – بىرىنە بەرىك دوس جانە ءبىر-بىرىن قۇرمەتتەيتىن قازاقستاندىق حالىققا اينالدى. ولار قازاق جانە تۇرىك تىلدەرىندە، دالىرەك ايتساق، ءبىر باۋىرلاس – تۇركى تىلىندە وڭاي سويلەيدى. ال بۇگىن العىس ايتۋ كۇنى تۇرىك حالقى قيىن ساتتە كومەكتەسكەن ءاربىر قازاقستاندىققا "راقمەت" دەيدى. اسىرەسە، تۇركيا رەسپۋبليكاسىندا ءوز ءومىرىن قاتەرگە تىگىپ، ادامداردى ۇيىندىلەردىڭ استىنان شىعارۋعا كومەكتەسكەندەر. بۇل ءبىزدىڭ قۇتقارۋشىلارىمىز، دارىگەرلەرىمىز جانە ەرىكتىلەرىمىز، ولار اپات بولعان جەرگە تەك قىزمەتتىڭ قارىزىمەن عانا ەمەس، جۇرەكتىڭ شاقىرۋىمەن دە كەلدى.

ەستەرىڭىزگە سالا كەتسەك، 6 اقپاندا تۇركيادا بولعان جويقىن جەر سىلكىنىسىنەن كەيىن 10 ميلليوننان استام ادام زارداپ شەكتى، 44 مىڭنان استام ادام قازا تاپتى.