ق ر پرەمەر–ءمينيسترى ءاليحان سمايىلوۆ "سامۇرىق–قازىنا" ۇلتتىق ءال–اۋقات قورى" اق ۇجىمىنىڭ باسقارما ءتوراعاسىن تانىستىردى.
"سامۇرىق-قازىنا" قورىنىڭ باسقارما ءتوراعاسى بولىپ نۇرلان جاقىپوۆ تاعايىندالدى، دەپ حابارلادى ۇكىمەتتىڭ باسپا ءسوز قىزمەتى. وعان دەيىن بۇل قىزمەتتى الماسادام ساتقالييەۆ اتقارعان بولاتىن.
ۇكىمەت باسشىسى قوردىڭ الدىندا ينۆەستيسيالار تارتۋ، ەنەرگەتيكالىق كەشەندى دامىتۋ، رەسپۋبليكانىڭ ينفراقۇرىلىمدىق، لوگيستيكالىق جانە يندۋستريالىق دامۋىن قامتاماسىز ەتۋ سياقتى مىندەتتەر تۇرعانىن اتاپ ءوتتى.
"قور – ءبىزدىڭ ەلىمىزدەگى ۇلكەن اكتيۆتەردى باسقاراتىن وتە ماڭىزدى قۇرىلىم. ونىڭ ءتيىمدى جۇمىسى بۇكىل ەكونوميكاعا جانە ەلىمىزدىڭ ودان ءارى دامۋىنا اسەر ەتەتىن ءىرى جوبالارعا بايلانىستى بولىپ وتىر"، – دەدى ءاليحان سمايىلوۆ.
نۇرلان جاقىپوۆ بۇعان دەيىن Kazakhstan Investment Development Fund باسشىسى بولىپ قىزمەت اتقارعان بولاتىن.
پىكىر قالدىرۋ