جۇڭگو ارمياسى تايۆان ماڭىندا اسكەري جاتتىعۋ وتكىزىپ جاتىر، دەپ حابارلادى informburo.kz

بۇگىن تايۆان ماڭىندا قىتايدىڭ 59 اسكەري ۇشاعى بايقالعان. ۆەدومستۆونىڭ مالىمەتىنشە، 39 ۇشاق تايۆان بۇعازىن كەسىپ ءوتىپ، تايۆان اۋە قورعانىس ايماعىنا ەنگەن.

بۇعان دەيىن، تايۆان پرەزيدەنتى  لوس–اندجەلەستە اقش وكىلدەر پالاتاسىنىڭ سپيكەرى كيەۆين ماككارتيمەن كەزدەسكەن بولاتىن. كەزدەسۋدەن كەيىن جۇڭگو بيلىگى تايۆان اۋماعىندا ءۇش كۇندىك اسكەري جاتتىعۋ باستاعانىن جاريالادى. جاتتىعۋ كەزىندە قحر–نىڭ 71 ۇشاعى مەن اسكەري كەمەلەرى ارالدى قورشاۋ سحەماسىن ازىرلەپ، تايۆاننىڭ نەگىزگى نىساندارىنا شابۋىل جوسپارىن قۇرعان.

ارالدا بلوكادا قۇرۋدى كوزدەيتىن وقۋ–جاتتىعۋعا قىتايدىڭ بومبالاۋشى ۇشاقتارى مەن اسكەري كەمەلەرى قاتىسىپ جاتىر.

بۇعان دەيىن اقش جۇڭگو باسىپ كىرسە، تايۆانعا اسكەر جىبەرۋگە دايىن ەكەنىن مالىمدەگەن بولاتىن.

ەسكە سالا كەتەيىك، قازاقستان تايۆاننىڭ تاۋەلسىزدىگىن مويىندامايدى.