قازاقستاندا 1 قىركۇيەكتەن باستاپ كەيبىر سىنىپتاردىڭ وقۋ باعدارلاماسىنا وزگەرىس ەنگىزىلەدى. مەكتەپ باعدارلاماسىنا وزگەرىس ەنگىزۋ تۋرالى قۇجات "اشىق نقا" پورتالىنا شىعارىلىپ، قوعامدىق تالقىلاۋعا ۇسىنىلعان.
قۇجات بويىنشا بيىلدان باستاپ 2 سىنىپ وقۋشىلارى "كوركەم ەڭبەك" ءپانىنىڭ ورنىنا "ەڭبەككە باۋلۋ" مەن "بەينەلەۋ ونەرىن" وقيدى. ال "شەت ءتىلى" ءپانى وقۋ باعدارلاماسىنان الىنىپ تاستالادى.
“مەكتەپ باعدارلاماسىنا وزگەرتۋ ەنگىزۋدىڭ باستى ماقساتى – وقۋشىعا تۇسەتىن جۇكتەمەنى ازايتىپ، STEM ءبىلىم بەرۋ تاسىلدەرىنىڭ نەگىزىندە جاراتىلىستانۋ باعىتىنداعى پاندەردىڭ وقىتىلۋىنا دەن قويۋ. بۇل ءبىلىم الۋشىلاردىڭ الەۋمەتتەنۋى مەن ماماندانۋىنا دا وڭ اسەرىن تيگىزەدى. وقۋشىنىڭ تۇرعىلىقتى جەرى مەن وقىتۋ تىلىنە قاراماستان، ساپالى ءبىلىم الۋىن قولجەتىمدىلىكتى ەتكىمىز كەلەدى”، – دەلىنگەن قۇجاتتا.
قۇجات 24 ساۋىرگە دەيىن قوعام تالقىلاۋىندا بولادى.
پىكىر قالدىرۋ