اقپاراتتىق–تەحنولوگيالار قارىشتاپ دامىعان زاماندا سۇرانىسقا يە مامانداردىڭ ءبىرى – IT سالاسىنىڭ قىزمەتكەرلەرى. جاساندى سانانىڭ دامۋى ادامزاتتىڭ اقىرى ما، اقىلى ما؟ وسى ورايدى "Daryn.online"، "ordagen.kz" جوبالارىنىڭ اۆتورى، IT مامان ءارى كاسىپكەر نۇرباقىت جۇلدىزباي جاساندى ينتەللەكت بويىنشا جۇمىس ىستەيتىن باعدارلامالاۋشى ايتان قامەتتەن سۇحبات الدى.

سۇحبات بارىسىندا IT سالاسىنىڭ وتكەنى مەن بولاشاعى ءسوز بولدى. روبوتتاردىڭ پايدا بولۋى ادامزات جۇمىسىن جەڭىلدەتكەنى ءسوزسىز، ءبىراق سونىڭ سالدارىنان جۇمىس ورنىنان ايىرىلعاندار دا جوق ەمەس.

جاقىندا يلون ماسك باستاعان ءبىر توپ IT مامان جاساندى سانانىڭ دامۋىنا شەكتەۋ قويۋ كەرەگىن ايتىپ، دابىل قاققان ەدى. الايدا قازاقستاندىق پروگرامميستەر جاساندى سانانىڭ دامۋىن قولدايتىنىن مالىمدەدى.

"جاساندى سانا دامۋ ساتىسىنىڭ شىڭىنا جەتكەندە مەملەكەتتىڭ جۇمىسى تەك قانا ادامداردى تاماقتاندىرۋ بولىپ قالادى. سەبەبى  جۇمىستىڭ ءبارىن روبوتتار جاساپ، ادامدار ءوز ۋاقىتىن  رۋحاني دامۋعا عانا ارنايدى" – دەدى نۇرباقىت جۇلدىزباي. 

ال ايتان قامەت ادامزاتتىڭ جاساندى سانانى دامىتۋداعى باستى ماقساتى روبوتتاردى قارا جۇمىسقا سالۋ ارقىلى بار ۋاقىتىن ءوز يدەيالارىنا ارناپ، جاسامپازدىققا بەت بۇرۋ ەكەنىن ايتتى.

سونىمەن قاتار، سۇحبات بارىسىندا ادامزاتتىڭ جاساندى سانانىڭ دامۋى ارقىلى جەتكەن جەتىستىكتەرى ءسوز بولدى. 

سۇحباتتىڭ تولىق نۇسقاسىن Qamshy Voice ۋoutube كانالىنان كورە الاسىزدار.