نۇربول ياسىمبەك 2006 جىلى اتامەكەندى اڭساپ، قىتايدان كوشىپ كەلگەن. بۇگىندە 50 دەن اسقان كوپبالالى اكە پەرزەنتتەرىن جالعىز ءوزى اسىراپ، ارەڭ جان باعىپ وتىر.

ايەلى دۇنيەدەن وتپەي تۇرىپ ول مال باعىپ كۇن كورگەن. الايدا اياق استىنان جۇبايىنىڭ جۇرەگى سىر بەرىپ، باسىنداعى جالعىز باسپاناسىن، قولىنداعى بار مالىن ساتسا دا ايەلىن اجالدان اراشالاپ قالا المادى. سودان بەرى تاعدىر تاۋقىمەتىن تارتىپ كەلەدى.

ياسىمبەكتىڭ قولىندا بالالارىنان بولەك 90 عا كەلگەن اكەسى بار. ۇلكەن ۇلى IT مامانى بولامىن دەپ ۇمتىلىپ ءجۇرىپ، اناسى قايتقان سوڭ ارمانىن ارى ىسىرىپ، كۇن كورۋ ءۇشىن جالدامالى جۇمىسشى بولىپ ءجۇر.

"1،5 جىل قۇلدىقتا ءجۇردىم. سول جەردە ءجۇرىپ ءبىر ساۋساعىمدى دا بەردىم. العاشىندا 100 مىڭ دەپ كەلىسكەنبىز، ارتىنان قۇل بولىپ كەتتىم. كەيىن تانىستارىم مەن قارت اكەم زاڭعا جۇگىنىپ ءجۇرىپ قۇلدىقتان ارەڭ شىقتىم"– دەپ مۇڭىن شاقتى نۇربول ياسىمبەك .

تۇراقى جۇمىسى جوق، جانكەشتىنىڭ كۇنىن كورىپ جۇرگەن ونىڭ سوڭعى كۇندەرى دەنساۋلىعى سىر بەرىپ، ءىس ىستەۋگە جاراماي بارادى.

ءوزى ءۇشىن ەمەس، بالالارىنىڭ بولاشاعى ءۇشىن الاڭداعان اكەنىڭ باسىندا باسپاناسى دا جوق. تۋىستاس كەلىنى سۋىقتا دالادا قالماسىن دەپ ءبىر بولمەسىن ۋاقىتشا بوساتىپ بەرگەن. ءقازىر كوپبالالى اكە وتباسىمەن بىرگە ءتورت قابىرعادا كۇنەلتىپ وتىر.

اتامەكەنىن اڭساپ كەلگەن قانداسىمىزعا كومەكتەسكىڭىز كەلسە +77056934589 نومىرىنە قاراجات جىبەرىپ، حابارلاسا الاسىز.