جاڭاوزەندەگى تۇرعىن ۇيلەردىڭ بىرىندە جارىلىس بولدى. جارىلىس سالدارىنان 11 ادام زارداپ شەگىپ، ءبىر ادام قازا تاپقان. توتەنشە جاعدايلار دەپارتامەنتىنىڭ مالىمەتىنشە وقيعا 17 ءساۋىر كۇنى استانا ۋاقىتىمەن تاڭعى ساعات 5:00 شاماسىندا بولعان.

“جاڭاوزەن قالاسىنداعى 2 ءشى شاعىناۋداندا قوس قاباتتان تۇراتىن 12 پاتەرلى  تۇرعىن ۇيدە گاز جارىلدى. وقيعانىڭ سالدارىنان تۇرعىن ءۇي كىرەبەرىسىنىڭ 150 شارشى مەترى قيراعان”، – دەلىنگەن حابارلامادا. 

جارىلىستان كەيىن ءورت بولماعان. زارتاپ شەككەندەر مەديسينا قىزمەتكەرلەرىنە تاپسىرىلدى. 

"وقيعا ورنىن ارشۋ جۇمىستارىنا ماڭعىستاۋ وبلىسى توتەنشە جاعدايلار دەپارتامەنتىنىڭ 50 دەن استام قۇتقارۋشى، 10 تەحنيكا، جەدەل مەديسينالىق كومەك جانە جەرگىلىكتى اتقارۋشى ورگانداردىڭ قىزمەتكەرلەرى جۇمىلدىرىلدى"، – دەپ مالىمدەدى تجد وكىلدەرى. 

ءقازىر قىزمەتكەرلەر وقيعانىڭ سەبەبىن انىقتاپ جاتىر.