بۇگىن "فەمينيستتىك ۇيىمداردىڭ جىلدا 8ء-شى ناۋرىزدا وتكىزەتىن ميتينگتەرىنىڭ كوزدەگەنى نە؟" دەگەن تاقىرىپتا باسپا ءسوز كونفەرەنسيا ءوتتى. شاراعا العاداي ءابىلعازى، مارات توقاشبايەۆ، ايدوس ورازاي جانە ءامىر ماۋلەنوۆ، سەيتوۆ سوۆەت ساۋات ۇلى. سەرىكبول مولداش قاتىستى. 

شارانى ۇيىمداستىرۋشى باعيلا بالتابايەۆانىڭ ايتۋىنشا فەمينيزمگە قاتىستى ميتينگىلەر العاشقىدا ايەل مەن بالا قۇقىعى، وتباسىنداعى زورلىق-زومبىلىق تۋرالى ايتىپ، كەيىن لگبت-نى ناسيحاتتايدى.

"مۇنداي ميتينگىلەر قازاقستاندا العاش رەت 2016 جىلى باستالعان. سول جىلدارى 5-6 ادام بولىپ شىققاندار ءقازىر 3000-نان استام ادام جيناپ پيكەت وتكىزىپ ءجۇر. فەمينيستىك ۇيىمداردىڭ سوڭى يرانداعىداي فەمينيستىك كوتەرىلىسكە اكەپ سوقپايتىنىنا كىم كەپىل؟"، دەدى باعيلا بالتابايەۆا شارا باسىندا. 

ال مارات توقاشبايەۆ لگبت ساياساتىن ادامزاتتى جوق قىلۋ ءۇشىن ويلاپ تابىلعان ساياسات دەپ ايىپتادى. 

"لگبت-نىڭ ساياساتى ادامداردى بولاشاققا باستامايدى. ولار ادام تۇقىمىن جوق قىلۋدى جوسپارلاپ وتىر. ەندى سول ساياساتىن قازاقستانداعى جاس ۇرپاقتىڭ بويىنا سىڭىرگىسى كەلەدى. بۇل جاس بالالاردىڭ پسيحيكاسىن قۇرتاتىن بۇكىل ادامزاتقا قارسى ۇيىم"، دەدى مارات توقاشبايەۆ. 

قوعام بەلسەندىسى باعيلا بالتابايەۆا استانادا وتكەن فەمينيستىك ميتينگىدە ءبىرقاتار جاسوسپىرىمدەردىڭ لگبت-نىڭ تۋىن كوتەرىپ جۇرگەنىن كورگەن. 

"ول جاسوسپىرىمدەردىڭ اتا-انالارى قايدا قاراپ وتىر؟ كامەلەتكە تولماعان بالالار قولدارىنا ءبىر-بىر پلاكاتتارىن ۇستاپ الىپ ءجۇر. ەلىمىزدەگى مۇنداي ميتينگىلەر مەن پيكەتتەردى "Feminita.kz" ۇيىمداستىرادى. اتالعان ۇيىمنىڭ جەتەكشىلەرى جانار سەكەربايەۆا مەن گۇلزادا سەرجان وزدەرىن اشىق تۇردە لەسبيانكا ەكەنىن ايتىپ ءجۇر. وسىلايشا ولار فەمينيزم مەن ايەل قۇقىعىنىڭ اتىن جامىلىپ ءوز ساياساتتارىن ناسيحاتتاپ ءجۇر" دەپ پىكىر ءبىلدىردى باعيلا بالتابايەۆا. 

ال ايدوس ورازاي بولسا اتالعان قازاقستاندىق ۇيىمدى شەتەلدەن قارجىلاندىراتىنىن ايتىپ قالدى. 

"ۇيىمنىڭ جەتەكشىسى جانار سەركەبايەۆا العاشقىدا ۇكىمەتكە دات ايتىپ، قوعامداعى ماسەلەلەردى كوتەرىپ جۇرگەن. لگبت-عا كەيىن اۋىستى. لگبت نەگىزى ادامدىق نورماعا جاتا ما جاتپاي ما؟ ەركەك پەن ەركەكتىڭ، ايەل مەن ايەلدىڭ ءبىر بىرىمەن وتباسى قۇرۋى ءتىپتى ادامدىق نورماعا جات. ولاردىڭ ماقساتتارى – ۇلتتى قۇرتۋ، ادامزات سانىن ازايتۋ. اتتارىنىڭ ءوزى جيىركەنىشتى. ۇرپاقتى ساقتاپ قالۋ ءۇشىن بۇل باسسىزدىقتى توقتاتۋىمىز كەرەك"، دەدى ول.