پاسحا مەرەكەسىندە ءىنجىلدى قازاق تىلىندە وقىعان شىركەۋ قىزمەتكەرىنىڭ ۆيدەوسى الەۋمەتتىك جەلىدە تارادى. "كيەلى كىتاپتى" قازاقشا وقىعان ياكوۆ ۆورونسوۆ قازاق ءتىلىن ۇيرەنۋگە نە سەبەپ بولعانىن ايتتى.
"شىركەۋگە حريستيان ءدىنىن ۇستاناتىن قازاقتار دا كەلەدى. سوندىقتان قازاق ءتىلىنىڭ ەلەمەنتتەرىن قوسۋعا تىرىستىم. قۇدايمەن دە قازاقشا سويلەسۋگە تىرىسامىن. رەسەيدىڭ ۋكرايناعا جاساعان باسقىنشىلعىنان كەيىن كىمنىڭ جاعىندا ەكەنىمدى انىقتاۋىم كەرەك بولدى"– دەدى ياكوۆ.
ول ازاتتىق راديوسىنا ءوز كورشىلەرىنە باسقىنشىلىق جاسايتىن وتارشىل مەملەكەتتى ەمەس تاۋەلسىز قازاقستاندى تاڭداعانىن ايتقان.
"ءبىز بولاشىعىمىز ءۇشىن كۇرەسۋمىز كەرەك ەكەنىن ءتۇسىندىم. ال قازاقستاننىڭ بولاشاعى – قازاق ءتىلى. بۇل – كوپۇلتتى مەملەكەتىمىزدىڭ تاتۋلىعىنىڭ كەپىلى. قۇجاتىمىزدا قانداي ۇلت جازىلسا دا، قازاقستاندىقتار ءۇشىن كىم ەكەنىن انىقتايتىن قۇرال – قازاق ءتىلى. وسىنى تۇسىنگەننەن كەيىن قازاق ءتىلىن قارقىندى تۇردە ۇيرەنە باستادىم" – دەدى شىركەۋ قىزمەتكەرى.
پىكىر قالدىرۋ