كارىم ءماسىموۆ ءولىم اۋزىندا جاتىر،  دەپ حابارلادى بۇرىنعى ۇقك باسشىسىنىڭ PR قىزمەتى.

4 ءساۋىر كۇنى امەريكالىق دجونس حوپكينس ۋنيۆەرسيتەتىنىڭ دارىگەرى، دوكتور ەرنەست براۋن كارىم ءماسىموۆتىڭ قاماۋدا بولۋىنا بايلانىستى ەرتە قايتىس بولۋى مۇمكىن ەكەنىن ايتتى. 

ءماسىموۆتىڭ دارىگەرى براۋن ونىڭ 2023 جىلى قاڭتاردا شۇعىل وپەراسيادان امان قالعانىن حابارلادى. ول كوز كاتاراكتاسى مەن جۇرەگى اۋىراتىن ءماسىموۆتى  ۋاقىتشا ۇستاۋ يزولياتورىندا ۇستاۋ ينفارك نەمەسە ينسۋلتتان قايتىس بولۋىنا اكەلۋى مۇمكىن ەكەىن ايتتى.

"مەديسينالىق كومەك بەرىلمەسە، ءماسىموۆتىڭ جاعدايى ناشارلاي بەرەدى. مەن گيپپوكراتقا انت بەرگەندىكتەن، قارالۋشىمنىڭ جاعدايىنا نەمقۇرايلى قاراي المايمىن"– دەدى دارىگەر.

براۋن كارىم ءماسىموۆتىڭ بوساتىلۋىن تالاپ ەتتى. سونىمەن قاتار، بۇۇ–نىڭ جۇمىس توبى دا ءماسىموۆتى بوساتۋعا ءوتىنىش ءبىلدىرىپ جاتىر.

كارىم ءماسىموۆ سوڭعى رەت 2022 جىلدىڭ 6 قاڭتارىندا اقوردادا وتكەن قاۋىپسىزدىك كەڭەسى وتىرىسىندا كوپشىلىك الدىنا شىققان بولاتىن. سول كۇنى ول قىزمەتىنەن بوساتىلىپ، ورنىنا ەرمەك ساعىمبايەۆ تاعايىندالعان ەدى. 8 قاڭتاردا ۇقك باسپا ءسوز قىزمەتى ءماسىموۆ پەن ونىڭ ورىنباسارلارى ۇستالعانىن حابارلادى.