الماتىدا كەنجەعالي ساعادييەۆتىڭ 85 جىلدىق مەرەيتويىنا وراي حالىقارالىق فورۋم ءوتتى. فورۋمدا الەمدىك وقيعالاردىڭ ەكونوميكاعا اسەرى، الەمدىك قارجى ارحيتەكتۋراسى، حالىقارالىق ساۋدا جانە ينفراقۇرىلىم تۋرالى جاھاندىق ماسەلەلەر تۋرالى ءسوز قوزعالدى.

اتالعان شاراعا پروفەسسور جاقسىبەك كۇلەكەيەۆ، سدۋ ۋنيۆەرسيتەتىنىڭ پرورەكتورى قايرات مولداشيەۆ سەكىلدى عالىمدار مەن شەتەلدىك پروفەسسورلار قاتىستى. دە مونفورت قازاقستان ۋنيۆەرسيتەتىنىڭ ەكونوميكا كافەدراسىنىڭ دوسەنتى مازەن ديۆاني قازاقستان مەن ءۇندىستان، جۇڭگو اراسىنداعى جاڭا كەلىسىمگە بايلانىستى پىكىر ءبىلدىرىپ، ونىڭ ەكونوميكاعا تيگىزەر اسەرىن باياندادى.

"ەڭ ءبىرىنشى قازاقستان مەن جۇڭگو اراسىنداعى ەركىن ساۋدا-ساتتىق جونىندەگى كەلىسىم قازاقستان ءۇشىن دە، جۇڭگو ءۇشىن دە ءتيىمدى بولاتىنىن ايتقىم كەلدى. ەكى تاراپ ءۇشىن تيىمدىلىكتى ەسەپتەۋ دە وسىنى كورسەتتى. نەگىزىنەن بۇل كەلىسىم قازاقستان ءۇشىن قىتايعا قاراعاندا ۇتىمدى بولار ەدى. ويتكەنى قىتايدىڭ ءىرى كولەمدەگى ەكونوميكالىق جاعدايى مەن ەركىن ساۋدا قارىم قاتىناس قازاقستانعا ۇلكەن پايدا الىپ كەلەتىنى ءسوزسىز. سول سەبەپتى مەنىڭ ويىمشا قازاقستان بۇل كەلىسىمگە مىندەتتى تۇردە قول قويۋى كەرەك"، دەدى شەتەلدىك ەكونوميست. 

فورۋمعا قاتىسقان سپيكەرلەر رەسەي مەن ۋكراينا اراسىنداعى سوعىس ەكونوميكا سالاسىنا جاڭا وزگەرىستەر ەنگىزەتىنىن ايتتى. سونداي-اق قازاقستان ەكونوميكاسى قالىپتى تۇردە ءوسىپ كەلە جاتقانىن، الداعى ۋاقىتتا جاقسى كورسەتكىشتەرگە قول جەتكىزگە بولادى دەپ بولجام جاسادى.