ۇلىتاۋ وبلىسى جاڭارقا اۋدانى ساكەن سەيفۋللين اۋىلىندا الكاگول ونىمدەرى ىشىلمەگەندىكتەن، سوڭعى جىلدارى قىلمىستىق ءىس تە تىركەلمەگەن. تۇرعىندار ءوز ەركىمەن ىشىمدىك اتاۋلىدان باس تارتقان. 

تۇرعىنداردىڭ ايتۋىنشا، اۋىلدا ىشىمدىك ىشىلمەگەندىكتەن، بۇزاقىلىق تىيىلعان. سوڭعى 3 جىلدا ساكەن سەيفۋللين وكرۋگىندە بىردە–ءبىر قىلمىس تىركەلمەگەن. الكوگولدان باس تارتۋدى اۋىل جاستارى ۇسىنعان.

"جاستارىمىز وتە بەلسەندى. ىشىمدىكتەن باس تارتقاندىقتان اۋىلىمىز تىنىش. ەسىگىمىز اشىق جاتادى، ەشقانداي ۇرلىق ورىن العان جوق "،– دەيدى اۋىل تۇرعىندارى.

اتالعان اۋىلدىق وكرۋگتىڭ قۇرامىنا ءۇش ەلدىمەكەن كىرەدى. مىڭعا تارتا تۇرعىنعا قىزمەت كورسەتەتىن ۋچاسكەلىك ينسپەكتور اۋىل ءىشى تىنىش بولعاندىقتان، كوبىنە اۋدان ورتالىعىندا جۇمىس ىستەيتىنىن ايتتى.

"بۇل اۋىلدا سوڭعى جىلدارى قىلمىستىق ءىس تىركەلگەن جوق. اۋىل جاستارى كاسىبي مال شارۋاشىلىعىمەن جانە سپورتپەن اينالىسادى"، - دەيدى ۋچاسكەلىك ينسپەكتور ساكەن قارتايەۆ.

"حابار 24" ارناسىنىڭ مالىمدەۋىنشە، اۋىلداعى ءتورت دۇكەندە ىشىمدىك اتاۋىل ساتىلمايدى،.