ءقازىر الماتى قالاسىن پوليسيا دەپارتامەنتىنىڭ ەكس–باسشىسىنa قاتىستى سوت وتىرىسى ءوتىپ جاتىر. سوتتا كۇدەبايەۆ سوڭعى ءسوزىن ايتتى.

"مەن كىنامدى مويىندامايمىن، ءوز حالقىما، ايەلدەر مەن بالالارعا وق اتپادىم. ازاپتاۋ بولعان جوق. ايتارىم وسى. راقمەت"، – دەدى ول.

ازاتتىق راديوسىنىڭ حابارلاۋىنشا، ۇكىم 28 ءساۋىر ساعات 15.00 دە وقىلادى. 

ەسكە سالا كەتەيىك، سەرىك كۇدەبايەۆ قاڭتار وقيعاسى كەزىندە كومەندانت رەتىندە پوليسيا دەپارتامەنتىنىڭ عيماراتىنان كەتىپ، تارتىپسىزدىككە قاتىسۋشىلاردىڭ قارۋ ۇرلاۋىنا مۇمكىندىك بەردى دەپ ايىپتالعان بولاتىن.

ول سوت وتىرىسىنا كەلمەي قاشىپ كەتكەن ەدى. كەيىن كۇدەبايەۆتىڭ قىرعىزستانمەن شەكارانى كەسىپ ءوتىپ، بىشكەكتەن ىستامبۇلعا ۇشقانى بەلگىلى بولدى. سودان بەرى كۇدەبايەۆقا حالىقارالىق ىزدەۋ جاريالانعان. كەشە باس پروكۋرور كۇدەبايەۆتىڭ ۇستالعانىن ايتقان بولاتىن.