جىل باسىنان بەرى ەلىمىزدىڭ 519 كوللەدجىنە مەملەكەتتىك اتتەستاتتاسيا جۇرگىزىلگەن. بۇل تۋرالى ءبىلىم مينيسترلىگى ءبىلىم بەرۋ ساپاسىن قامتاماسىز ەتۋ كوميتەتى ءمالىم ەتتى.

الماتى، استانا قالالارى مەن قوستاناي، ماڭعىستاۋ، اتىراۋ، شىعىس قازاقستان، ۇلىتاۋ، اباي وبلىستارى تەحنيكالىق جانە كاسىپتىك ءبىلىم بەرۋ بويىنشا جوعارعى كورسەتكىش كورسەتكەن.

الايدا 300 دەن استام كوللەدج اتتەستاسيادان وتپەگەن. ولار نەگىزىنەن شىمكەنت قالاسى، پاۆلودار جانە قىزىلوردا وبلىستارىندا ورنالاسقان. سونداي-اق، باتىس قازاقستان، جامبىل، تۇركىستان، اقمولا جانە اقتوبە وبلىستارىدا تومەن كورسەتكىش كورسەتىپ، شىعىس قازاقستان وبلىسىندا جەكەمەنشىك كوللەدج جابىلعان.

سونىمەن قاتار، بيىلعى اتتەستاسيادا 219 كوللەدج 624 ماماندىق بويىنشا ليسەنزيالارىن قايتاردى.