الماتى وبلىسىندا "التىن وردا" بازارىنىڭ باسشىلارىنىڭ ءبىرى ۇستالدى. ءقازىر قىلمىستىق كودەكستىڭ 287 بابى بويىنشا سوتقا دەيىنگى تەرگەۋ باستالدى.
"قاراساي اۋداندىق پوليسيا باسقارماسىنا BMW ماركالى كولىكپەن قارۋلى توپتىڭ جۇرگەنى جايلى اقپارات ءتۇستى. ۇستالعاندار اراسىندا "التىن وردا" امبەباپ بازارى ديرەكتورىنىڭ ورىنباسارى دا بار" – دەدى پوليسيانىڭ باسپا ءسوز قىزمەتى.
ۇستالعاندارعا ق ر قىلمىستىق كودەكسىنىڭ 287 بابى "قارۋدى، وق–دارىلەردى، جارىلعىش زاتتاردى جانە جارىلعىش قۇرىلعىلاردى زاڭسىز يەمدەنۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ" بويىنشا سوتقا دەيىنگى تەرگەۋ باستالدى.
ەسكە سالا كەتەيىك، بۇعان دەيىن "التىن وردا" بازارىندا 300–دەن استام زاڭبۇزۋشىلىق انىقتالعان ەدى. پرەمەر–مينيستر ءاليحان سمايىلوۆ بازار قىزمەتىن قاتاڭ باقىلاۋ كەرەگىن دە ايتقان. ال 2023 جىلدىڭ قاڭتارىندا بازاردىڭ بۇرىنعى باسشىلارىنا الاياقتىق بويىنشا حالىقارالىق ىزدەۋ جاريالانعان بولاتىن.
دەرەككوز: بەسىنشى ايماق