قارجى ءمينيسترى ەرۇلان جاماۋبايەۆ نۇرسۇلتان نازاربايەۆ كەڭسەسىنىڭ تاراتىلاتىنىن حابارلادى. ءمينيستردىڭ ايتۋىنشا ەكس-پرەزيدەنتتىڭ كەڭسەسى 45 كۇن ىشىندە تاراتىلاتىن بولادى. سونداي-اق كەڭسەگە بولىنەتىن مەملەكەتتىڭ 3 ملرد تەڭگە قارجىسى وزگە قاجەتتىلىكتەرگە جۇمسالادى.
"زاڭ اياسىندا كانسەلياريانىڭ جۇمىسى توقتاتىلادى. ونداعى قىزمەتكەرلەردىڭ ءبىر بولىگى باسقا ۇيىمدارعا اۋىسادى، ال تاعى ءبىر بولىگى قىسقارۋعا جاتادى. ءبىر جارىم ايدىڭ ىشىندە بۇل ماسەلە شەشىلەدى دەپ ويلايمىن"، - دەدى جاماۋبايەۆ.
ب ا ق وكىلدەرى "نازاربايەۆتىڭ كەڭسەسىن جاپسا، ەكس-پرەزيدەنت قايدا جۇمىس ىستەيدى؟" دەپ تە سۇرادى.
"مۇنى ونىڭ اينالاسىنداعى ادامداردان سۇراڭىزدار. مەن قايدان بىلەيىن. ولاردان سۇراڭىز، باسقا كەڭسەلەرى بار شىعار"، - دەيدى ۆيسە-پرەمەر.
پىكىر قالدىرۋ