اباي وبلىسىنىڭ اكىمدىگى الەۋمەتتىك جەلىدە تاراعان "جۇڭگو كومپانياسى ەرتىس وزەنىندە التىن قازىپ الىپ جاتىر" دەگەن اقپاراتتى جوققا شىعاردى.
"ەرتىس وزەنىنىڭ تۇبىندە التىن كەنىن ءوندىرۋ ءۇشىن قحر ازاماتتارى كەلگەنى تۋرالى اقپارات شىندىققا مۇلدە سايكەس كەلمەيدى. تۇرعىنداردان تەك رەسمي اقپارات كوزدەرىنە سەنۋدى سۇرايمىز. كورىنەۋ جالعان اقپارات تاراتقانداردىڭ قىلمىستىق جاۋاپكەرشىلىككە تارتىلاتىنىن ەسكەرتەمىز"، - دەلىنگەن حابارلامادا.
ەسكە سالساق، بۇعان دەيىن بەسقاراعاي اۋدانى دولون اۋىلىنداعى ەرتىس وزەنىندە قىتايلىق كومپانيانىڭ ەرتىس وزەنىندە التىن قازىپ جاتقانى جونىندە اقپارات تارادى. اتالعان اقپاراتتا "حيميالىق زاتتاردى (سيانيت) پايدالانىپ جاتىر. سوندىقتان ەرتىس وزەنىندە مۇلدە شومىلماڭىزدار"، دەپ جازىلعان.
پىكىر قالدىرۋ