وبلىستىق تجد مالىمەتىنشە، باتپايەۆ ورمانشىلىعىنىڭ اۋماعىندا 0،3 گا الاڭدا اعاشتار جانعان.

«قازىرگى ءورتتى ءسوندىرۋ جۇمىستارىنا اباي وبلىسى تجد-دان 31 ادام جانە 9 بىرلىك تەحنيكا، ورمان شارۋاشىلىعىنان 28 ادام جانە 14 بىرلىك تەحنيكا جۇمىلدىرىلعان. اباي وبلىسى توتەنشە جاعدايلار دەپارتامەنتىنىڭ داعدارىس ورتالىعىندا جەدەل شتاب ۇيىمداستىرىلدى. ەلدى مەكەندەرگە ءقاۋىپ جوق. مەتەورولوگيالىق جاعداي: +34 گرادۋس، سولتۇستىك جەل 2 م/س. ءورت سوندىرۋشىلەر ءورتتىڭ ورشۋىنە جول بەرمەۋ جانە ونى ءسوندىرۋ ءۇشىن بارلىق كۇشىن سالىپ جاتىر»، - دەلىنگەن حابارلامادا.

ايتا كەتەيىك، 22 مامىردا التاي ولكەسىنىڭ اۋماعىنداعى نوۆەنكوە اۋىلىنىڭ ماڭىندا قۇرعاق ءشوپتىڭ جانۋى سالدارىنان «سەمەي ورمانى» موتر اۋماعىندا ورمان ورتەنگەن بولاتىن.