ماڭعىستاۋداعى قاراتۇرىن كەن ورنىندا التى كۇننەن بەرى ۇڭعىما جانىپ جاتىر.

توتەنشە جاعدايلار دەپارتامەنتىنىڭ مالىمەتىنشە، ءورت 9 ماۋسىمدا بۇرعىلاۋ قۇرالىن كوتەرۋ كەزىندە باستالعان. اقتاۋدان 277 كم، اۋدان ورتالىعى شەتپەدەن 135 كم قاشىقتىقتا ورنالاسقان كەن ورىندا ءورت ءسوندىرۋ جۇمىستارى ءالى كۇنگە دەيىن جالعاسىپ جاتىر. 

وقيعا ورىندا اشىق گاز فونتانى پايدا بولعاندىقتان، ورتەنگەن اۋماققا جاقىنداپ، ارنايى ءورت ءسوندىرۋ قۇرالدارىن پايدالانۋ قيىنعا سوققان. قازىرگى ۋاقىتتا ءورتتى اۋىزدىقتاۋعا  2 قىزمەتكەر مەن 17 تەحنيكا جۇمىلدىرىلعان.ورتتەن زارداپ شەككەندەر تىركەلمەگەن. 

13 ماۋسىمدا ماڭعىستاۋ وبلىسىنىڭ اكىمى كەن ورنىنداعى بۇرعىلاۋ كەزىندە شىققان ورتكە بايلانىستى شۇعىل كەڭەس وتكىزگەن. كەڭەسكە ەنەرگەتيكا ۆيسە–ءمينيسترى اسحات حاسەنوۆ، قازمۇنايگاز اق، وزەنمۇنايگاز اق باسشىلىعىنىڭ جانە وسى كومپانيانىڭ باسقا دا بولىمشەلەرى مەن مەردىگەرلەرىنىڭ وكىلدەرى قاتىسقان. ءبىراق كەڭەستىڭ قانداي شەشىممەن تارقاعانى ازىرگە بەلگىسىز.