اباي وبلىسىنداعى ءورتتى سوندىرۋگە كەتىپ، قازا تاپقان تراكتورشى ورتتەن زارداپ شەككەندەر قاتارىنا كىرمەيدى. بۇل تۋرالى ءماجىلىس كۋلۋارىندا باس پروكۋروردىڭ ورىنباسارى جاندوس ومىرالييەۆ مالىمدەدى.
"ساراپتاما قورىتىندىسىنا سايكەس، سەرگەي ءارحيپوۆتىڭ ءولىمى جۇرەك قىزمەتىنىڭ جەتكىلىكسىزىگىنەن بولعانى انىقتالدى. سوندىقتان ول ورمان شارۋاشىلىعىنىڭ 14 قىزمەتكەرى سياقتى ورتتەن قۇربان بولعانداردىڭ قاتارىنا جاتپايدى. ارحيپوۆتىڭ دەنەسى دە، تراكتورى دا ءورت بولعان ايماقتان باسقا جەردەن تابىلدى. بۇل جاعداي ونىڭ وتباسى ءۇشىن اۋىر جاعداي. ءبىراق ول ءورتتىڭ سالدارىنان قازا بولماعان. تيىسىنشە ورتتەن قايتىس بولعان ازاماتتاردىڭ ساناتىنا جاتپايدى" – دەدى باس پروكۋروردىڭ ورىنباسارى جاندوس ومىرالييەۆ.
سونىمەن قاتار، ومىرالييەۆ بۇل ماسەلەنا ءوڭىردىڭ وبلىستىق اكىمدىگى قاراستىراتىنىن، ءاحريپوۆتىڭ وتباسىنا كومەكتەسەم دەۋشىلەر بولسا، بۇل ارەكەتتىڭ زاڭعا قايشى ەمەس ەكەنىن دە ايتتى.
ەسكە سالا كەتەيىك، كەشە اباي وبلىسىنداعى ورتتەن كەيىن جوعالىپ كەتكەن ورمان شارۋاشىلىعىنىڭ تاعى ءبىر قىزمەتكەرى سەرگەي ءارحيپوۆتىڭ دەنەسى تابىلدى. تراكتورشى بولىپ قىزمەت ەتكەن ول "سەمەي ورمانى" دولون فيليالىنان ءورت سوندىرۋگە بارعان.
پىكىر قالدىرۋ