قاراعاندىدا كامەلەتكە تولماعان قىزعا ليفتتە تيىسكەن ەر ادامعا قاتىستى قىلمىستىق ءىس توقتاتىلدى.
ناۋرىز ايىندا مەكتەپ وقۋشىسىنىڭ اناسى بەلگىسىز ەر ادام ليفتتە قورلاماق بولعانىن ايتىپ پوليسياعا شاعىم تۇسىرگەن. ەكى ايعا سوزىلعان تەرگەۋ ناتيجەسىندە قىلمىستىق ەر ادامنىڭ كىناسىز بولىپ تانىلعان.
"ناۋرىز ايىندا كامەلەتكە تولماعاندارعا قاتىستى سەكسۋالدىق سيپاتتاعى زورلىق-زومبىلىققا وقتالۋ فاكتىسى بويىنشا قىلمىستىق ءىس تىركەلدى. ليفتتەگى بەينەباقىلاۋ كامەراسى جازباسىن ەگجەي-تەگجەيلى قارالدى. تەرگەۋ ناتيجەسى بويىنشا قىلمىستىق ءىس قىلمىستىق قۇقىق بۇزۋشىلىق قۇرامىنىڭ بولماۋىنا بايلانىستى توقتاتىلدى. قازىبەك بي اتىنداعى اۋدان پروكۋراتۋراسى بۇل شەشىمدى بەكىتتى"، - دەدى قاراعاندى وبلىسى پد باستىعىنىڭ ورىنباسارى ەرنات قالياقپاروۆ.
ەسكە سالا كەتەيىك، قاراعاندىدا ءليفتىنىڭ ىشىندە 15 جاستاعى قىزعا ازعىندىق جاساپ، پاتەرىنە "كوڭىل كوتەرۋگە" شاقىرعان ەر ادام ۇستالعان بولاتىن.
بەينەباقىلاۋ كامەراسىنا ءتۇسىپ قالعان ۆيدەودان 23 جاستاعى ەر ادامنىڭ جاسوسپىرىمگە ءتيىسىپ، ونىڭ كەلىسىمىنسىز ءسۇيىپ، ليفتىدەن شىعارماي قويعانىن كورۋگە بولادى.
