بەلارۋس پرەزيدەنتى الەكساندر لۋكاشەنكو "ۆاگنەر" جالدامالى اسكەري كومپانيانىڭ باسشىسى ەۆگەنيي پريگوجيننىڭ رەسەيدە جۇرگەنىن حابارلادى. سونداي-اق، لۋكاشەنكو "ۆاگنەر" پمك جاۋىنگەرلەرى ءوز لاگەرلەرىندە ەكەنىن اتاپ ءوتتى.
"بۇل – رەسەيلىك كومپانيا. سول سەبەپتى سۇراقتىڭ ماعان قاتىسى جوق. مەنىڭ بىلۋىمشە، جاۋىنگەرلەر ءوز لاگەرلەرىندە. ال پريگوجين بولسا سانكت-پەتەربۋرگ قالاسىندا. بەلارۋستە ەمەس. ءبىزدىڭ ەلدە "ۆاگنەر" اسكەرلەرىنىڭ بەلگىلى ءبىر بولىگى ورنالاسۋى مۇمكىن، بۇل مەنى مۇلدەم الاڭداتپايدى. ولاردىڭ مايداندا جيناعان تاجىريبەلەرىن قاراستىرامىز ءارى دايىندىعىمىزعا پايدالانامىز"، دەدى لۋكاشەنكو.
ەسكە سالساق، كەشە "فونتانكا" دەرەككوزدەرى پريگوجيننىڭ سانكت-پەتەربۋرگ جانە لەنينگراد وبلىسىنداعى فسب باسقارماسىنا بارعانىن، وعان قارۋلار مەن 10 ملرد ءرۋبلىن قايتارىپ بەرگەنىن جازعان بولاتىن.
پىكىر قالدىرۋ