اقش پرەزيدەنتى دجو بايدەن اليانس ۋكراينانى ناتو-عا قابىلداۋ ماسەلەسىن تەك سوعىس اياقتالعان سوڭ عانا قاراستىرۋى مۇمكىن ەكەنىن حابارلادى. اقش پرەزيدەنتى مۇنى CNN تەلەارناسىنا بەرگەن سۇحباتىندا ايتقان.
"سوعىس ءجۇرىپ جاتقان كەزدە ۋكراينانى ناتو-عا قابىلداۋ تۋرالى ورتاق وي-پىكىر بولادى دەپ ويلامايمىن" - دەدى بايدەن.
ونىڭ سوزىنشە، اقش پەن ناتو كييەۆكە قارۋ-جاراق بەرۋدى جالعاستىرا بەرەدى.
بايدەننىڭ ايتۋىنشا، ۋكراينا ناتو-عا ءقازىر قابىلدانسا، ناتو رەسەيگە اشىقتان-اشىق قارسى تۇراتىن بولادى.
"ءبىز ناتو جەرىنىڭ ءاربىر ءديۋيمىن قورعاۋعا ءازىرمىز. ەشنارسەگە قاراماستان بۇل مىندەتتى موينىمىزعا العانبىز. مەنىڭ ويىمشا، ۋكراينانىڭ ناتو مۇشە بولۋىنا اپاراتىن ءتيىمدى جول سالۋىمىز" - دەدى بايدەن.
دەرەككوز: ازاتتىق راديوسى
پىكىر قالدىرۋ