"ۆاگنەر" جەكە اسكەري توبىنىڭ باسشىسى ەۆگەنيي پريگوجين ءتورت كۇننەن بەرى حابارسىز كەتكەن. رەسەي پرەزيدەنتى ۆلاديمير ءپۋتيننىڭ باسپا ءسوز حاتشىسى دميتريي پەسكوۆ ونىڭ قايدا ەكەنىن بىلمەيتىنىن ايتتى. بۇل تۋرالى رەسەيلىك ب ا ق جازدى.

"بىزدە ونىڭ قايدا جۇرگەنى تۋرالى ەشقانداي مالىمەت جوق. ءبىز پريگوجيننىڭ ءجۇرىس-تۇرىسىن باقىلاپ وتىرعان جوقپىز" –  دەدى پەسكوۆ.

ال بەلارۋس پرەزيدەنتى الەكساندر لۋكاشەنكو پريگوجين بەلورۋس ەلىندە دەگەن مالىمەتتى جوققا شىعارىپ،  ونىڭ سانكت-پەتەربۋرگكە كەتكەنىن ايتتى.

"ەۆگەنيي پريگوجين ءقازىر پيتەردە. ال بۇگىن تاڭەرتەڭ ونىڭ قايدا بولعانىن وكىنىشكە قاراي، مەن بىلمەيدى ەكەنمىن. مۇمكىن تاڭەرتەڭ ماسكەۋگە كەتكەن شىعار" دەدى لۋكاشەنكو.

سونىمەن قاتار، ول "ۆاگنەر" ساربازدارى رف تەرريتورياسىنداعى ءوز لاگەرلەرىندە قالعانىن ايتتى.

Liberation باسىلىمىنا سىلتەمە جاساعان NEXTA Live Telegram-ارناسىنىڭ حابارلاۋىنشا، پريگوجين شىلدەنىڭ باس كەزىندە پۋتينمەن وڭاشادا كەزدەسكەن كورىنەدى. كەزدەسۋگە روسگۆارديانىڭ باسشىسى  ۆيكتور زولوتوۆ پەن سىرتقى بارلاۋ قىزمەتىنىڭ جەتەكشىسى سەرگەي نارىشكين قاتىستى دەگەن دەرەك بار.

دەرەككوز: Halyq Uni