قارجى ءمينيسترى 2023 جىلعى 4 شىلدەدەگى "اراقتار مەن ارنايى اراقتاردىڭ، شىعۋ تەگى قورعالاتىن بەلگىسى بار اراقتاردىڭ، كۇشتى الكوگولدىك ىشىمدىكتەردىڭ، كونياك پەن برەندتىڭ ەڭ تومەنگى بولشەك ساۋدا باعالارىن بەلگىلەۋ تۋرالى" بۇيرىققا قول قويدى.
بۇيرىق بويىنشا 2023 جىلعى 1 شىلدەدەن باستاپ 2023 جىلعى 30 قىركۇيەككە دەيىنگى كەزەڭگە ەڭ تومەنگى بولشەك ساۋدا باعالارى:
- اراقتار مەن ارنايى اراقتار، شىعۋ تەگى قورعالاتىن بەلگىسى بار اراقتاردىڭ ءليترى 1980 تەڭگە؛
- كونياك برەندتەرى ليترىنە 2930 تەڭگەدەن باستالادى.
2023 جىلدىڭ 1 قازانىنان باستاپ ەڭ تومەنگى بولشەك باعالار مىناداي بولادى:
- اراقتار مەن ارنايى اراقتار، شىعۋ تەگى قورعالاتىن بەلگىسى بار اراقتاردىڭ ءليترى 2100 تەڭگە؛
- كونياك برەندتەرى ءليترى 3110 تەڭگە.
بۇيرىق 2023 جىلدىڭ 1 شىلدەسىنەن باستاپ كۇشىنە ەندى.
پىكىر قالدىرۋ