شقو اكىمدىگى جوندەلىپ بىتپەگەن ريددەر جەس-ى جايلى 14،8 ملن تەڭگەگە فيلم تۇسىرگەنىن راستادى. بۇل تۋرالى ازاتتىق راديوسى حابارلادى.
اكىمدىك تەندەرىنە "اليۋستروي" دەگەن كومپانيا بىردەن تىكەلەي يە بولعان. كەلىسىمشارت مەملەكەتتىك ساتىپ الۋ پورتالىندا 20-22 ماۋسىم ارالىعىندا جاسالدى. بۇل – شىعىس قازاقستانعا جاڭا اكىم ەرمەك كوشەربايەۆ تاعايىندالىپ قويعاننان كەيىنگى ۋاقىت. ءبىراق فيلمدە وبلىس اكىمى دەپ ەكس-اكىم دانيال احمەتوۆتىڭ اتى اتالادى. سايتتا فيلم شىققان داتا كورسەتىلمەگەن.
"مۇنداي اقپاراتتى بارىنشا كوپ ۇسىنۋ تۇرعىنداردى پروبلەمالاردى شەشۋ ۇدەرىستەرىمەن تانىستىرۋعا، تۇرعىنداردىڭ مۇددەسىن قورعاۋعا جانە قيىن جاعدايدا جىلۋمەن قامتاماسىز ەتۋ ءۇشىن قابىلدانعان ءىس-شارالاردان حاباردار ەتۋگە كومەكتەستى. جوبانىڭ ماقساتى – رەسپۋبليكالىق جانە جەرگىلىكتى اتقارۋشى ورگاندار قانداي ىس-ارەكەت ىستەپ جاتقانى تۋرالى وبەكتيۆتى، ناقتى اقپارات بەرۋ" - دەدى شقو اكىمدىگى.
پىكىر قالدىرۋ