تجم ورتكە قارسى قىزمەت كوميتەتىنىڭ ءتوراعاسى، سونداي-اق شىمكەنت قالاسى مەن جەتىسۋ وبلىسى بويىنشا تجد باسشىلارى جەمقورلىقپەن ۇستالدى، دەپ حابارلادى انتيكور.
ولار ورتتەن قاۋىپسىزدىك سالاسىنداعى قامقورلىعى ءۇشىن كاسىپكەرلەردەن جۇيەلى نەگىزدە پارا الىپ، تەكسەرىلەتىن ۇيىمداردى ولاردىڭ قىزمەتتەرىن ساتىپ الۋعا جانە ۋاقتىلى اقى تولەۋگە ماجبۇرلەگەن دەگەن كۇدىككە ىلىنگەن.
پارا سوماسى 100 مىڭنان 4 ملن تەڭگەگە دەيىنگى ارالىقتى قۇرايدى.
سونىمەن قاتار، تجم ورتكە قارسى قاۋىپسىزدىك كوميتەتىنىڭ ءتوراعاسى نۇربولات دەربىسوۆ زاڭسىز اقشالاي سىياقى ءۇشىن ۇلىتاۋ وبلىسى بويىنشا تجد باسشىلارىنىڭ بىرىنە قامقورشىلىق جاساعان.
"كۇدىكتىلەر ۇستالىپ، ۋۇي-نا قامالدى. سوتقا دەيىنگى تەرگەۋ جالعاسۋدا. اتالعان لاۋازىمدى ادامداردىڭ باسقا دا جەمقورلىق قۇقىق بۇزۋشىلىقتارعا قاتىستىعى تەكسەرىلۋدە" – دەلىنگەن حابارلامادا.
پىكىر قالدىرۋ