استانادا ادامداردى قۇتقارۋ كەزىندە ەرلىكپەن قازا تاپقان باتىر ءورت ءسوندىرۋشى اسقار زابيكۋلين تۋرالى تەلەسەريال قىركۇيەكتە كورسەتىلەدى، دەپ حابارلايدى اقپارات جانە قوعامدىق دامۋ مينيسترلىگى.
"ءورت كەزىندە وپات بولعان باتىر بەينەسىن ناسيحاتتايتىن سەريالدىڭ سيۋجەتى شىنايى وقيعالارعا نەگىزدەلگەن – حالىق قاھارمانى اسقار زابيكۋلين تۋرالى. باس كەيىپكەرى – بىلتىر عانا الاۋمەن ارپالىسىپ، ءۇش ادامنىڭ ءومىرىن قۇتقارعان، وكىنىشكە قاراي، ءوزى اجال قۇشقان ءورت ءسوندىرۋشى اسقار زابيكۋللين”، - دەيدى اقپارات جانە قوعامدىق دامۋ ءمينيسترى دارحان ءقىدىرالى.
مينيستر استانادا ءتۇسىرىلىم الاڭىنا بارىپ، شىعارماشىلىق توپپەن كەزدەستى.
سونىمەن قاتار، اسقار زابيكۋليننىڭ ايەلى – انەل جانە قىزدارىمەن اسەرلى اڭگىمە بولدى.
"Bas production" پروديۋسەرلىك كومپانياسى تۇسىرەتىن سەريال قىركۇيەك ايىندا "استانا" تەلەارناسىندا كورسەتىلەدى.
ەسكە سالا كەتسەك، بىلتىر 16 قاراشادا اسقار زابيكۋلين استاناداعى "قاھارمەن" تۇرعىن ءۇي كەشەنىندە بىرنەشە ادامدى ورتتەن امان الىپ شىقتى. ول 12-قاباتتا ورنالاسقان تەرەزەدەن قۇتقارۋ ارقانى ارقىلى 11 قاباتقا ءتۇسىپ، جانىپ جاتقان پاتەردىڭ تەرەزەسىنەن تۇسكەن.
سول ۋاقىتتا پاتەردە ادامدار بولعان. بارلىعى امان قۇتقارىلدى. ونىڭ ءبىرى – 10 جاستاعى بالا. ادام ومىرىنە اراشا بولعان قۇتقارۋشىنىڭ دەنەسىنىڭ 80%ء-ىن كۇيىك شالدى. ول 1ء-شى كوپ بەيىندى قالالىق اۋرۋحاناعا جەتكىزىلدى. اسقار زابيكۋلين ءتورت كۇننەن كەيىن 20 قاراشادا اۋرۋحانا توسەگىندە كوز جۇمدى.
بيىل ءساۋىر ايىندا استانادا قۇتقارۋشىلار ساياباعىندا اسقار زابيكۋلينگە ەسكەرتكىش تاقتا ورناتىلدى.
