الماتىدا قوعامدىق كولىكتە ءجۇرۋدىڭ جاڭا تاريفتەرى بەكىتىلدى. بۇل تۋرالى ءماسليحاتتىڭ VII سەسسياسىندا الماتى قالاسى اكىمىنىڭ ورىنباسارى اسقار ءامرين مالىمدەدى.
وڭاي كارتاسىمەن نەمەسە QR كودى ارقىلى تولەم جاساعاندا جول ءجۇرۋ اقىسى 100 تەڭگە بولادى. جول اقىسى 20 تەڭگەگە كوتەرىلەدى. قولما-قول تولەگەن كەزدە جول ءجۇرۋ اقىسى ۇشتەن بىرگە – 150-دەن 200 تەڭگەگە دەيىن كوتەرىلەدى.
"قولدانىستاعى تاريف تاسىمالداۋشىلاردىڭ شىعىندارىن وتەمەيدى، ويتكەنى ناقتى تاريف بەكىتىلگەننەن 3 ەسە قىمبات. وسىعان بايلانىستى اكىمدىك اي سايىن سۋبسيديا تۇرىندە تاسىمالداۋشىلاردىڭ شىعىندارىن وتەپ وتىر. وسى كەزەڭگە 2020-2022 جىلدارى تولەنگەن سۋبسيديا كولەمى 115،8 ميلليارد تەڭگە بولدى"، - دەدى اسقار ءامرين.
مەگاپوليستىڭ كولىك ينفراقۇرىلىمىنا تۇسەتىن جۇكتەمە وراسان زور، بۇل رەتتە جولداردىڭ جاي-كۇيى، كولىك پاركىن جاڭارتۋ، قالا باسشىلىعىنىڭ ءجىتى نازارىندا.
"قولما-قول اقشاسىز تولەمگە 100 تەڭگە جانە قولما-قول تولەمگە 200 تەڭگە كولەمىندە جاڭا تاريفتەردى قولدانۋ بيىلعى جىلى سۋبسيديا كولەمىن شامامەن 10 ميلليارد تەڭگەگە قىسقارتۋعا مۇمكىندىك بەرەدى. ولاردى باسقا دا الەۋمەتتىك ماڭىزى بار جوبالارعا قايتا بولۋگە مۇمكىندىك تۋادى"، - دەدى قالا اكىمىنىڭ ورىنباسارى اسقار ءامرين.
پىكىر قالدىرۋ