ماڭعىستاۋ وبلىسىنىڭ تۇرعىنىنان اپيىن تابىلدى، دەپ حابارلايدى Polisia.kz.
جەدەل-ىزدەستىرۋ ءىس-شارالارى بارىسىندا ماڭعىستاۋ وبلىسى پد كريمينالدىق پوليسيا باسقارماسىنىڭ قىزمەتكەرلەرى “دارمەك” جەدەل-پروفيلاكتيكالىق ءىس-شارالارى بارىسىندا 26 شىلدە كۇنى مۇنايلى اۋدانىنىڭ تۇرعىنىن ۇستادى.
46 جاستاعى ازاماتتىڭ تۇرعىلىقتى جەرىن ءتىنتۋ كەزىندە اس قاسىقتان اپيىن ەسىرتكى زاتى تابىلدى. سونىمەن قاتار ەسىرتكىنى قولدانۋعا ارنالعان قارا ءتۇستى ءونىمنىڭ ءبىر داناسى تاركىلەندى.
بۇل دەرەك ق ر قك-نىڭ 297-بابىنىڭ 1-بولىگى بويىنشا سوتقا دەيىنگى تەرگەپ-تەكسەرۋلەردىڭ تىزىمىنە تىركەلدى. كۇدىكتى ۋاقىتشا ۇستاۋ يزولياتورىنا قامالدى.
وزگە اقپارات تەرگەۋ مۇددەسى ءۇشىن جاريا ەتىلمەيدى.
پىكىر قالدىرۋ