سىبايلاس جەمقورلىققا قارسى قىزمەت پاۆلودار وبلىسىنىڭ بۇرىنعى اكىمى عالىمجان جاقيانوۆقا قاتىستى قىلمىستىق ءىس بويىنشا تەرگەۋ باستادى. 

"پاۆلودار وبلىسى بويىنشا سىبايلاس جەمقورلىققا قارسى كۇرەس دەپارتامەنتى ۇقك-نەن پاۆلودار وبلىسىنىڭ بۇرىنعى اكىمى عالىمجان جاقيانوۆقا جانە باسقالارعا قاتىستى سوتقا دەيىنگى تەرگەپ-تەكسەرۋدى وندىرىسكە قابىلدادى. تەرگەۋ مۇددەسىنە قاتىستى وزگە مالىمەتتەر جاريا ەتىلمەيدى" – دەلىنگەن ۆەدومستۆونىڭ informburo.kz ساۋالىنا بەرگەن جاۋابىندا. بۇل تۋرالى وrda.kz جازدى. 

ەسكە سالا كەتەيىك،  عالىمجان جاقيانوۆ 1994-1997 جىلدار اراسىندا سەمەي وبلىسىنىڭ اكىمى، ودان كەيىن ستراتەگيالىق رەسۋرستاردى باقىلاۋ اگەنتتىگىن باسشىسى، 1997-2001 جىلدارى پاۆلودار وبلىسىنىڭ اكىمى قىزمەتىن اتقارعان.

2001 جىلى جاقيانوۆ 2018 جىلى استانا سوتى ەكسترەميستىك ۇيىم دەپ تانىعان "قازاقستاننىڭ دەموكراتيالىق تاڭداۋى" قوعامدىق بىرلەستىگىن قۇرۋعا قاتىسقان.

2002 جىلى جاقيانوۆ بيلىگىن اسىرا پايدالاندى دەگەن ايىپپەن جەتى جىلعا سوتتالعان بولاتىن. "ازاتتىق" راديوسىنىڭ حابارلاۋىنشا، قىلمىستىق ىستە مەملەكەتكە 116 مىڭ اقش دوللارى كولەمىندە كەلتىرىلگەن زالال كەلتىرىلگەن.

2006 جىلى جاقيانوۆ شارتتى تۇردە بوستاندىققا شىعىپ، بىرنەشە جىلدان كەيىن قازاقستاننان كوشىپ كەتكەن بولاتىن.