ەڭبەك جانە الەۋمەتتىك قورعاۋ مينيسترلىگىنىڭ كوشى-قون كوميتەتىنىڭ ءتوراعاسى اسقاربەك ەرتايەۆ قازاقستانداعى كوشى-قون پروسەستەرى تۋرالى ايتىپ بەردى.
ونىڭ حابارلاۋىنشا، اعىمداعى جىلى قازاقستانعا 13،5 مىڭ قانداس كەلگەن، ونىڭ 8،5 مىڭى ەڭبەككە قابىلەتتى ازاماتتار. سونىمەن قاتار، بيىل ەلدە 321 بوسقىن، 559 باسپانا ىزدەۋشى تىركەلگەن.
جۋرناليستتەردىڭ سۇراعىنا جاۋاپ بەرە وتىرىپ، ەرتايەۆ بيىل ەلدەن 200 مىڭعا جۋىق قازاقستاندىق كەتكەنىن ءمالىم ەتتى. ولاردىڭ كوپشىلىگى شەتەلگە ءناپاقا ىزدەپ كەتكەن.
"بيىلعى جىلدىڭ ءبىرىنشى توقسانىندا 194 مىڭ قازاقستاندىق شەتەلگە كەتتى. ولار نەگىزىنەن اقشا تابۋعا كەتتى. 2022 جىلى 25 مىڭ قازاقستاندىق وزگە مەملەكەتتەرگە وقۋعا اتتاندى"، - دەدى ول.
پىكىر قالدىرۋ