شىمكەنت گارنيزونىنىڭ اسكەري سوتى اسكەردە ءجۇرىپ قازا تاپقان جاۋىنگەر بەكبول ميراشتىڭ قازاسىنا ايىپتالعان شەكارا زاستاۆاسىنىڭ سەرجانتىنا قاتىستى ۇكىم وقىدى. 

40 جاستاعى اعا سەرجانت ايبەك نۇرتاي "بوپسالاۋ، بيلىكتى اسىرا پايدالانۋ، ءوزىن-وزى ولتىرۋگە دەيىن جەتكىزۋ" باپتارى بويىنشا ايىپتالعان بولاتىن. سوت اسكەري قىزمەتكەردى سوڭعى "ءوزىن-وزىن-وزى ءقلتىرۋ" بابى بويىنشا اقتاپ، 3 جىل 6 ايعا تۇرمەگە كەستى.

"جاۋاپكەر زاستاۆا اۋماعىندا بار بولعانى 8 كۇن بولعان. ول جابىرلەنۋشىمەن  بىرنەشە رەت قانا كەزدەسكەن. وسىنداي قىسقا مەرزىمدە جاۋىنگەردى وز-وزىنە قول جۇمساۋعا يتەرمەلەي الماس ەدى. دالەلدەر سوتتالۋشىنىڭ بۇل رەتتە كىناسىن جوققا شىعارادى"، - دەلىنگەن سوتتىڭ مالىمدەمەسىندە.

ۇكىم زاڭدى كۇشىنە ەنگەن جوق.

الايدا ايىپتالۋشى ايبەك نۇرتاي اپەللياسيالىق سوتقا شاعىم بەرەتىنىن ايتتى. "ۇكىمگە كەلىسپەيمىن. اراق ىشپەڭدەر دەپ ۇرىسقانىم راس. ءبىراق بالاعاتتامادىم، ۇرمادىم" – دەدى ول. 

ەسكە سالا كەتەيىك، اتىراۋلىق بەكبول ميراش وتكەن جىلى 19 تامىزدا اسكەردە ءجۇرىپ قازا تاپقان ەدى. مارقۇمنىڭ تۋىستارى ونىڭ سۋيسيد جاساعانىنا سەنبەيدى. بيولوگيالىق ساراپتاما جاۋىنگەردىڭ جىنىستىق قورلىققا ۇشىراعانىن كورسەتكەن.