ەلىمىزدە 2023 جىلدىڭ 29-31 تامىزىندا اۋا رايىنا قاتىستى بولجام جاسالدى. بۇل تۋرالى قازگيدرومەت حابارلايدى.
“قازگيدرومەت” مالىمەتىنشە، رەسپۋبليكانىڭ بارلىق اۋماعىندا دەرلىك اۋا تەمپەراتۋراسى تومەندەيدى دەپ كۇتىلۋدە. الداعى ءۇش تاۋلىكتە رەسپۋبليكانىڭ باسىم بولىگىندە تۇراقسىز اۋا رايى ساقتالادى، نايزاعاي ويناپ، ەكپىندى جەل سوعادى، بۇرشاق جاۋۋى مۇمكىن.
قازاقستاننىڭ سولتۇستىك-باتىسىندا، سولتۇستىگىندە، ورتالىعىندا، وڭتۇستىگىندە جانە وڭتۇستىك-شىعىسىندا قاتتى جاڭبىر جاۋىپ، اۋا تەمپەراتۋراسىنىڭ بىرتىندەپ تومەندەۋى كۇتىلۋدە.
"اۋا تەمپەراتۋراسىنىڭ ەڭ كوپ تومەندەۋى رەسپۋبليكانىڭ سولتۇستىك-باتىسىندا، سولتۇستىگىندە كۇتىلۋدە، اۋا تەمپەراتۋراسى تۇندە 3-11 گرادۋس سەلسييگە دەيىن، كۇندىز 10-18 گرادۋسقا دەيىن تومەندەيدى"، - دەپ حابارلادى سينوپتيكتەر.
"قازگيدرومەت" رمك اتاپ وتكەندەي، تەك رەسپۋبليكانىڭ شىعىسىندا، وڭتۇستىگىندە جانە وڭتۇستىك-شىعىسىندا اپتانىڭ باسىندا كۇن جىلى بولادى، كەيىن اپتانىڭ سوڭىنا قاراي اۋا تەمپەراتۋراسى تۇندە 10-15 گرادۋسقا دەيىن تومەندەيدى، ال كۇندىز 20-25 گرادۋس جىلى.
پىكىر قالدىرۋ