ەل پرەزيدەنتى قاسىم-جومارت توقايەۆ قازاقستان حالقىنا كەزەكتى جولداۋىندا اەس قۇرىلىسى بويىنشا رەفەرەندۋم وتەتىنىن ايتتى.
"قازاقستان ۋران ءوندىرىسى بويىنشا الدىڭعى ورىندا تۇر. سوندىقتان اەس سالۋعا قۇقىمىز بار. اەس سالۋ قاجەت پە، جوق پا، دەگەن ساۋال توڭىرەگىندە حالىق پىكىرى ءارتۇرلى. كوپتەگەن ازاماتتار مەن ءبىرقاتار ساراپشىلار يادرولىق ستانسيانىڭ قاۋىپسىزدىگىنە كۇمانمەن قارايدى. سەمەي پوليگونى حالقىمىزعا قانشاما قاسىرەت اكەلگەنىن ەسكەرسەك، ولاردىڭ كۇدىگىن تۇسىنۋگە بولادى. سوندىقتان بۇل ماسەلە بويىنشا قوعامدىق تىڭداۋلاردى، ەگجەي-تەگجەيلى، كەڭ اۋقىمدى تالقىلاۋلاردى جالعاستىرۋىمىز كەرەك. ءبىز ماڭىزدى ستراتەگيالىق ماسەلەلەرگە قاتىستى تۇپكى شەشىمدى رەفەرەندۋم ارقىلى قابىلداۋىمىز قاجەت. بۇل – 2019 جىلى سايلاۋ الدىندا مەنىڭ حالىققا بەرگەن ۋادەم. اتوم ەلەكتر ستانسياسىن سالۋ نەمەسە سالماۋ ماسەلەسى – بۇل ەلىمىزدىڭ بولاشاعىنا قاتىستى اسا ماڭىزدى ماسەلە. سوندىقتان ونى جالپىۇلتتىق رەفەرەندۋم ارقىلى شەشكەن ءجون دەپ سانايمىن. ناقتى مەرزىمىن كەيىن انىقتايمىز"- دەپ مالىمدەدى پرەزيدەنت.
ەسكە سالا كەتەيىك، بۇعان دەيىن توقايەۆ اەس قۇرىلىسى جايلى رەفەرەندۋم وتەتىنىن ايتقان بولاتىن. الايدا كەيىننەن ەنەرگەتيكا ۆيسە-مينيسترى جاندوس نۇرماعانبەتوۆ قازاقستاندا اتوم ەلەكتر ستانسياسىن سالۋ ماسەلەسى رەفەرەندۋمعا شىعارىلمايتىنىن مالىمدەگەن ەدى.
پىكىر قالدىرۋ