قازاقستاندا بالالارعا زورلىق-زومبىلىق كورسەتكەندەرگە جازا كۇشەيتىلەدى، دەپ جازادى Qamshy.kz اقپارات اگەنتتىگى. بۇل تۋرالى بۇگىن پرەزيدەنت قاسىم-جومارت توقايەۆ ءوزىنىڭ جولداۋىندا ايتتى. 

"مەن مەملەكەت باسشىسى رەتىندە كامەلەتكە تولماعاندارعا جاسالعان زورلىق-زومبىلىقتىڭ كەز كەلگەن تۇرىنە قاتىستى جازانى كۇشەيتۋدى تالاپ ەتەمىن. جول، عيمارات، كيىم-كەشەك، ازىق-تۇلىك، ياعني بارلىعى بالالار ءۇشىن ءقاۋىپسىز بولۋى كەرەك. سونداي-اق وسكەلەڭ ۇرپاقتىڭ پسيحيكالىق ساۋلىعى – وتە ماڭىزدى ماسەلە"، – دەدى پرەزيدەنت.

مەملەكەت باسشىسى ءبىلىم بەرۋ مەكەمەلەرىندەگى پسيحولوگيالىق قولداۋ قىزمەتىن ينستيتۋسيونالدى تۇردە كۇشەيتۋ قاجەتتىگىن ايتتى.

"ءبىرىڭعاي سەنىم تەلەفونىن ۇيىمداستىرعان ءجون. زورلىق-زومبىلىققا جانە قىسىمعا، ياعني بۋللينگكە تاپ بولعاندارعا كومەك كورسەتۋگە ارنالعان باعدارلاما ازىرلەۋ كەرەك. ساپالى ورتا ءبىلىم الۋ – ءاربىر بالانىڭ مىزعىماس قۇقىعى. مۇنداعى ەڭ ءتۇيىندى ءسوز – "ساپا". سوندىقتان ءبىلىم ساپاسىن جاقسارتۋ جانە مۇعالىمدەردىڭ بىلىكتىلىگىن ارتتىرۋ اۋاداي قاجەت"، – دەدى توقايەۆ.