استاناداعى «قازانات» يپپودرومىندا ۇلتتىق سپورت تۇرلەرىنەن VI فەستيۆالدءىڭ اشىلۋ سالتاناتى ءوتتى. الداعى 5 كۇندە 1300-دەن استام ادام 11 سپورت تۇرىنەن سايىسقا تۇسەدى.

ءىس-شارانى اشقان پارلامەنت ءماءجىلءىسءىنىڭسپيكەرى، «AMANAT» پارتياسىنىڭ ءتوراعاسى ەرلان قوشانوۆ ەلىمىزدە ۇلتتىق سپورت تۇرلەرى مەملەكەت قولداۋىمەن قارقىندى دامىپ كەلە جاتقانىن اتاپ ءوتتى.

«ءتول مادەنيەتىمىزدى دارىپتەپ، ۇلتتىق سپورتتى دامىتۋ مەملەكەت باسشىسى قاسىم-جومارت كەمەل ۇلى توقايەۆتىڭ ءاردايىم ەرەكشە نازارىندا. ونىڭ ۇرپاق تاربيەسىندەگى ماڭىزى تۋرالى پرەزيدەنتىمىز كۇنى كەشە تۇركىستاندا وتكەن ۇلتتىق قۇرىلتايدا ايتقان ەدى. ۇلتتىق سپورت ءتۇرلەرى – بۇل ءبىزدىڭ تاريحىمىزدىڭ جانە قازاق حالقىنىڭ وزىندىك ەرەكشەلىگىنىڭ ايناسى.ونى دامىتا وتىرىپ، رۋحاني مۇرامىزدى بولاشاق ۇرپاقتىڭ يگىلى ءۇشىن ساقتاپ قالامىز»، – دەدى ە.قوشانوۆ.

ءماجىلىس سپيكەرى الداعى جىلى قازاقستاندا مەملەكەت باسشىسىنىڭ قولداۋىمەن وتەتىنىن V دۇنيەجۇزىلىك كوشپەندىلەر ويىندارىنىڭ ءمانى مەن ماڭىزىنا توقتالدى. بىرنەشە مەملەكەتتىڭ سپورتشىلارى باس قوساتىن حالىقارالىق جارىستا قازىرگى قازاقستاننىڭ الەۋەتىن تانىتۋعا مۇمكىندىك بەرىلەدى.

ءىس-شارانىڭ اشىلۋ سالتاناتىنا ۇلتتىق سپورت قاۋىمداستىعىنىڭ پرەزيدەنتى يسلامبەك سالجانوۆ قاتىستى.

فەستيۆال اياسىندا الداعى بەس كۇندە سپورتشىلار كوكپار، اسىق اتۋ، توعىزقۇمالاق، جەكپە-جەك، جامبى اتۋ، تەڭگە ءىلۋ جانە تاعى دا باسقا ۇلتتىق ويىن تۇرىنەن كۇش سىناسادى.

ءىس-شارا اياسىنداعى ايتۋلى وقيعانىڭ ءبىرى – «JORYQ» ات سپورتى فەدەراسياسى وسىمەن ەكى جىل قاتارىنان وتكىزىپ وتىرعان «ۇلى دالا جورىعى» رەسپۋبليكالىق مارافون-بايگەسى. ەلىمىزدىڭ تۇكپىر-تۇكپىرىنەن ارنايى ات باسىن بۇرعان 20 كوماندا 14 كۇندە ەلوردادان تۇركىستانعا دەيىنگى 1300 شاقىرىم قاشىقتىقتى ءجۇرىپ وتەدى.

«بايگە-مارافون «AMANAT» پارتياسىنىڭ قولداۋىمەن بىلتىر تۇڭعىش رەت وتكىزىلگەن ەدى. بۇل بولاشاقتا ۇلتتىق ات سپورتى تۇرلەرىنىڭ دامۋىنا ايرىقشا اسەر ەتەتىن ماڭىزدى ءارى اۋقىمدى وقيعا بولدى. ءدۇبىرلى دودا ەلىمىزدىڭ بارلىق ءوڭىرىن بىرىكتىردى. شاباندوزدار سايىن ساحارانى اتپەن شارلاپ، تۋعان جەردىڭ سىرىنا قانىعادى. سپورتتىق جەتىستىكتەردەن بولەك، بۇل بايگە ەتنوتۋريزمدى دامىتۋعا جانە حالقىمىزدىڭ مادەني مۇراسىن ناسيحاتتاۋعا مۇمكىندىك بەرەدى»، – دەپ اتاپ ءوتتى ەرلان قوشانوۆ.

فەستيۆالدى ۇيىمداستىرۋعا ق ر تۋريزم جانە سپورت مينيسترلىگى، استانا قالاسىنىڭ اكىمدىگى، «AMANAT» پارتيياسى، «سامۇرىق-قازىنا» ۇلتتىق ءال-اۋقات قورى» اق، ۇلتتىق سپورت قاۋىمداستىعى، تۋريزم مەن سپورتتى قولداۋ قورى ۇيىتقى بولدى.