اقمولا وبلىسىندا ءسىبىر جاراسىن جۇقتىرعان 5 ناۋقاس انىقتالدى دەپ حابارلايدى Sputnik كازاحستان. قازىرگى ۋاقىتتا ەسىل اۋداندىق اۋرۋحاناسىندا 15 ادام ەم قابىلداپ جاتىر.
مەديسينالىق ورتالىقتىڭ باس دارىگەرى مۇحتار تومتايەۆ ناۋقاستاردىڭ جاعدايى ءبىرقالىپتى، ومىرلەرىنە ءقاۋىپ جوق ەكەنىن ايتتى. بۇعان دەيىن اۋىر جاعدايدا اۋرۋحاناعا تۇسكەن ناۋقاستىڭ دا دەنساۋلىعى قالىپقا كەلگەن.
"حاتتاماعا سايكەس، اۋرۋحاناداعى ەم 14 كۇنگە سوزىلادى. سونداي-اق وبلىستىق دەنساۋلىق ساقتاۋ باسقارماسىنا ءبىزدىڭ جۇقپالى اۋرۋلار بولىمشەسىندە 15 توسەك-ورىن بارىن ەسكەرتتىك. ال قالعان ناۋقاستاردى جاقىن ماڭداعى باسقا اۋرۋحانالارعا جىبەرەتىن بولامىز"، - دەدى باس دارىگەر.
بۇل دەرت 29 تامىزدا اقمولا وبلىسى جارقايىڭ اۋدانى ءۇشقاراسۋ اۋىلىندا تىركەلگەن. سىرقاتتىڭ بەلگىلەرى:
- جوعارى نە تۇراقتى 37،9 ͦ س كورسەتكىشىنەن تومەن تۇسپەيتىن تەمپەراتۋرا؛
- قول مەن بىلەكتەگى جارالار؛
- ليمفا تۇيىندەرىنىڭ ءىسىنۋى؛
- جالپى السىزدىك؛
- تابەتتىڭ بولماۋى.
ناۋقاستاردىڭ بارلىعى 3 مىڭنان استام مال باسى ولگەن "ءۇشقاراسۋ" شارۋا قوجالىعىنداعى ەتتى جەگەنى بەلگىلى بولدى. اۋىلدا ءالى دە كارانتين جالعاسۋدا.
پىكىر قالدىرۋ