تارازادا قاڭتار وقيعاسى كەزىندە ارەكەت ەتپەگەن پوليسيا قىزمەتكەرلەرىنە سوت ۇكىمى شىقتى. بۇل ءىس بويىنشا قۇقىق قورعاۋ ورگاندارىنىڭ 5 قىزمەتكەرىنە ايىپ تاعىلدى، دەپ حابارلادى قالالىق سوتتىڭ باسپا ءسوز قىزمەتى.
"2022 جىلى قاڭتاردىڭ التىسىنا قاراعان ءتۇنى تاراز قالاسىنىڭ پوليسيا باسقارماسى مەن جامبىل وبلىسىنىڭ پوليسيا دەپارتامەنتىنە جاپپاي تارتىپسىزدىككە قاتىسۋشىلار شابۋىل جاسالعان. بۇل رەتتە ىشكى ىستەر ورگاندارىنىڭ لاۋازىمدى تۇلعالارىنىڭ ارەكەتسىزدىگىنەن ارتتەحقۇرىلعىلار (تاپانشالار، وق-دارىلەر، ارنايى قۇرالدار جانە ت.ب.) ۇرلانىپ، جوعالىپ كەتكەن. سونىن كەسىرىنەن مەملەكەتكە اسا ءىرى مولشەردە ماتەريالدىق زالال كەلدى"، - دەلىنگەن ءىس ماتەريالدارىندا.
سوت ۇكىمىمەن تاراز پوليسيا باسقارماسىنىڭ بۇرىنعى باستىعى اسىلحان زاۋىربەكوۆ، جامبىل وبلىسى پوليسيا دەپارتامەنتى باسشىسىنىڭ بۇرىنعى ورىنباسارى فاحريددين شانكاروۆ جانە تىل باسقارماسى باستىعى نويان قيىمبەكوۆ 4 جىلعا باس بوستاندىعىنان ايىرىلدى. ءۇش ازاماتقا دا ءومىر بويىنا مەملەكەتتىك ورگانداردا قىزمەت اتقارۋعا تىيىم سالىندى.
ءسابيت ورازوۆ 3 جىلعا سوتتالىپ، راقىمشىلىق بويىنشا جازاسىنان بوساتىلدى. ال ماقسات تورەبەكوۆ كىناسىز دەپ تانىلدى.
پىكىر قالدىرۋ