جانبولات مامايدىڭ ادۆوكاتى ەرنار كەنجەبايەۆ نەگىزگى سوت تالقىلاۋى كەزىندە قورعاۋىنداعى ازاماتتىڭ قۇقىعى بۇزىلعانىن ايتىپ، كونستيتۋسيالىق سوتقا شاعىمداندى. بۇل تۋرالى جۋرناليست ينگا يمانباي facebook جەلىسىندەگى پاراقشاسىندا حابارلادى. 

“ادۆوكات قورعاۋ قۇقىعى بۇزىلدى دەپ ەسەپتەيدى، ويتكەنى پروكۋرور الدىمەن ورتاشا اۋىرلىقتاعى باپتارمەن ايىپتاۋ قورىتىندىسىن شىعاردى، سودان كەيىن ولاردى سوت تالقىلاۋى كەزىندە اۋىر دەپ سانادى، بۇل سوت پەن زاڭ الدىندا بارلىعىنىڭ تەڭ بولۋىنا مۇمكىندىك بەرەتىن كونستيتۋسياعا قايشى. سونىمەن قاتار جانبولات مامايعا قويىلعان شەكتەۋلەر دە ونىڭ ازاماتتىق جانە ساياسي قۇقىقتارىن تاپتاۋ دەپ سانايمىز. سوندىقتان، جوعارى سوتقا كاساسيالىق شاعىم تۇسىرمەستەن بۇرىن كونستيتۋسيالىق سوتقا جۇگىنۋدى ءجون سانادىق”، – دەپ جازدى جۋرناليست.

بۇل شاعىمنان بولەك، جانبولات مامايدىڭ ءوزى بوستاندىق سوتىنا قوعامدىق-ساياسي جانە جۋرناليستىك قىزمەتپەن اينالىسۋعا تىيىم سالۋعا قاتىستى ۇكىمىن ناقتىلاۋ تۋرالى ءوتىنىش جازعان. اتاپ ايتقاندا، سوتقا ونىڭ قۇقىق قورعاۋ قىزمەتىمەن اينالىسا الا ما، ازامات رەتىندە سۇحبات بەرۋگە قۇقىعى بار ما، جوق پا دەگەن سۇراقتار قويىلدى.

سوت وتىرىسى ونلاين رەجيمدە 15 قىركۇيەككە بەلگىلەندى.