شاحماتتان قازاقستان ايەلدەر قۇراماسى پولشانىڭ بىدگوشش قالاسىندا وتكەن ءىح كوماندالىق الەم چەمپيوناتىنىڭ كۇمىس جۇلدەگەرى اتاندى.
فينالدا كوماندا گرۋزيا قۇراماسىنان جەڭىلدى. كوماندا ساپىندا ءبيبىسارا اساۋبايەۆا، ءامينا قايىربەكوۆا، مەرۋەرت كاماليدەنوۆا مەن الۋا نۇرمانوۆا ونەر كورسەتتى. بۇل – پاۆەل كوسۋر باپتايتىن ۇلتتىق قۇرامانىڭ العاشقى جەڭىلىسى. وسىعان دەيىن قازاقستان توپتىق كەزەڭدە گرۋزيامەن تەڭ ءتۇسىپ (2-2)، قالعان قارسىلاستىڭ ءبارىن ۇتقان.
"گرۋزيالىق ويىنشىلاردىڭ تاجىريبەسى جاس ءارى دارىندى قازاقستان قۇراماسىنان باسىم ءتۇستى، جاستار (ورتاشا جاس – 18) ءۇمىتتى اقتادى، ەلىنە كۇمىس مەدالدى الىپ كەتەدى"، - دەلىنگەن فيدە حابارلاماسىندا.
بۇل مەدال قازاقستان قۇراماسىنىڭ الەم چەمپيوناتتارىنداعى ەڭ ۇزدىك جەتىستىگى بولدى.
