يتاليادا ءۇش قازاقستاندىق پحۋكەت قالاسىندا تۇراتىن اۋقاتتى ازاماتتى سوققىعا جىقتى دەپ ايىپتالىپ جاتىر. بۇل تۋرالى جەرگىلىكتى ThePhuketnews.com سايتى حابارلادى. قازاقستاندىقتاردىڭ ءاتى-جونى اتالمادى. ءبىراق ولاردىڭ رەسەيلىك مما بالۋانى حۋسەين اسحابوۆپەن جانە ونىڭ ەگىز اعاسىمەن كەلىسىپ ۇرلىققا تۇسكەنىن جازعان. 

جەرگىلىكتى باق-تىڭ دەرەگىنشە، بەسەۋى بىرىگىپ پحۋكەتتىڭ كۋرورتىق اۋدانى چەرنگتالايداعى يتالياندىقتىڭ ۆيللاسىنا باسا-كوكتەپ كىرگەن. ولار كەرەك اقپاراتتى الۋ ءۇشىن ءۇي يەسىن بىرنەشە ساعات بويى اياۋسىز ۇرىپ-سوققان. كەيىن ءۇش قازاقستاندىق پحۋكەتتەن دۋبايعا ۇشىپ كەتكەن. تەرگەۋ جۇمىستارىنىڭ اقپاراتى بويىنشا ولار 156 ملن تەڭگەنى الىپ، قازاقستانعا ورالعان. 

ال رەسەيلىك سپورتشىلاردى يتاليا پوليسياسى ۇستاپ ۇلگەرگەن. ولاردىڭ قاماۋعا الىنعانىن قالالىق پوليسيا بولىمشەسى راستاپ وتىر. 

تاي پوليسياسىنىڭ ەسەبىندە زارداپ شەككەن ازاماتتىڭ Rolex Daytona، Patek Philippe Nautilus جانە Graff ساعاتتارىن ۇرلانعانى ايتىلادى. بۇل زاتتاردىڭ ءارقايسىسى بىرنەشە ميلليون باتقا باعالانادى. سونداي-اق ۇرلانعان زاتتار تىزىمىندە: Macbook، جاڭا iPhone 13 جانە iPhone 14، كۇننەن قورعايتىن كوزىلدىرىك بار.

بۇعان قوسا، ولار يتاليالىقتىڭ ءتولقۇجاتىن، ابۋ-دابي يسلام بانك كارتاسىنا، تەلەفوندارىنا، سەيفىنە جانە كومپيۋتەرلەرىنە كىرۋ پارولدەرىن ۇرلاعان. 

جابىرلەنۋشى شابۋىل جاساعان ءۇش قازاقستاندىقتى بۇرىن-سوڭدى كورمەگەنىن ايتتى. الايدا ول اعايىندى اسحابوۆتارمەن بىلتىر چەرنگتالياداعى كافەلەردىڭ بىرىندە تانىسقان.

يتاليا بيلىگى وقيعاعا بايلانىستى رەسمي مالىمدەمە جاسامادى.