1 قازانىنان باستاپ تۇماۋعا قارسى ۆاكسينا سالىنادى. باس مەملەكەتتىك سانيتارلىق دارىگەر نۇرقان ءسادۋاقاسوۆ ەپيدەمياعا قارسى ءىس-شارالار جۇرگىزۋ تۋرالى قاۋلىعا قول قويدى.

قاۋلىدا مىنا باعىتتار بويىنشا جۇمىستار جۇرگىزىلەتىنى ايتىلعان:

 – 1 قازاننان باستاپ تۇماۋعا قارسى ەكپە ەگۋ؛

– مەديسينالىق ۇيىمداردا كىرە بەرىستە ماسكالاردى قولدانۋدى جانە انتيسەپتيكتەردىڭ بولۋىن قامتاماسىز ەتۋ؛

– ءجىتى رەسپيراتورلىق ۆيرۋستىق ينفەكسيالار مەن تۇماۋ بەلگىلەرى بار جۇكتى ايەلدەر مەن ءبىر جاسقا دەيىنگى بالالاردى ۇيگە شاقىرۋ بويىنشا قىزمەت ەتۋ؛

– مەكتەپكە دەيىنگى ۇيىمداردا كۇندەلىكتى تاڭەرتەڭگى تەكسەرىس وتكىزۋ، جرۆي جانە تۇماۋ بەلگىلەرى بار بالالاردى انىقتاۋ.

–  ورتا ءبىلىم بەرۋ ۇيىمدارىندا: ءبىر ينكۋباسيالىق كەزەڭ ىشىندە ءبىر سىنىپتا 20-دان 30%-عا دەيىنگى وقۋشىلار اراسىندا جرۆي اۋرۋىن تىركەگەن كەزدە اۋديتوريالىق وقىتۋ جۇيەسىن جويۋ ۇسىنىلادى. سىنىپتا ناۋقاستاردىڭ 30%-دان استامى بولسا، وقۋشىلار ونلاين وقىتۋعا كوشەدى.