تۇركيا رەسپۋبليكاسىنىڭ ادىلەت مينيسترلىگى قازاقستان رەسپۋبليكاسى باس پروكۋراتۋراسىنىڭ 2014 جىلدان باستاپ حالىقارالىق ىزدەۋدە جۇرگەن ازامات «ك» ۇستاپ بەرۋ تۋرالى سۇراۋ سالۋىن قاناعاتتاندىردى. اتالعان ازامات قۇرىلىس كومپانيالارىنىڭ جالپى سوماسى شامامەن 1 ملرد. تەڭگەگە اقشا قاراجاتىن جىمقىردى دەپ كۇدىكتەلۋدە. بۇل قاراجات الەۋمەتتىك ماقساتتاعى وبەكتىلەردى سالۋعا ارنالعان. ولاردىڭ اراسىندا اۋرۋحانا بولدى.
«قازىرگى ۋاقىتتا ول استانا قالاسىنىڭ تەرگەۋ يزولياتورىنا قامالدى. جوعارىدا اتالعان قىلمىس جاساعانى ءۇشىن ونىڭ مۇلكى تاركىلەنىپ، 5 جىلدان 10 جىلعا دەيىن باس بوستاندىعىنان ايىرۋ جازاسى تاعايىندالۋى مۇمكىن. بۇل ناتيجەگە ءبىزدىڭ مەملەكەتتەر اراسىنداعى قىلمىستىق-قۇقىقتىق سالاداعى ىنتىماقتاستىقتىڭ جوعارى دەڭگەيىنىڭ، سونداي-اق باس پروكۋراتۋرانىڭ تۇركيانىڭ قۇزىرەتتى ورگاندارىمەن ماقساتتى جۇمىسىنىڭ ارقاسىندا قول جەتكىزىلدى. تۇرىك ەلى تاراپىنان قىلمىس ءۇشىن جازانىڭ بۇلتارتپاسىتىعىن قامتاماسىز ەتۋ جونىندەگى قازاقستاننىڭ كۇش-جىگەرىن تولىق قولداعانىن اتاپ وتكەن ءجون»، – دەپ حابارلايدى ۆەدومستۆا وكىلدەرى.
پىكىر قالدىرۋ